ઉપલેટાની ક્રિષ્ના સ્કૂલમાથી મળી આવ્યો પાર્સલ બોમ્બ અને પછી...

રાજકોટની ઉપલેટાની કિષ્ના સ્કૂલમાંથી પાર્સલ બોમ્બ મળી આવતા આસપાસનાં વિસ્તારમાં ખળભળાટ મચી ગયો હતો. મળતી માહિતી મુજબ સ્કૂલમાં ચાર દિવસ પહેલા એક પાર્સલ આવ્યું હતું. આ પાર્સલ સ્કૂલનાં સંચાલક વલ્લભ ડોબરીયાનાં નામે આવ્યું હતું. 

જેનાં પર લખવામાં આવ્યું હતું કે સાહેબને જન્મદિવસની શુભ કામના અને આ પાર્સલ જન્મ દિવસનાં દિવસે જ ખોલવું. જેથી વલ્લભભાઈને આ પાર્સલ અજુગતું અને શંકાસ્પદ લાગ્યું. જે પાર્સલ ગત મોડી સાંજે ખોલતા શંકાસ્પદ વસ્તુ જણાઈ આવી હતી. 

ત્યારબાદ સ્થાનિક પોલિસને જાણ કરાતા એસીપી કક્ષાનાં અધિકારીઓ ત્યાં આવી પહોંચ્યાં હતાં. ઉપલેટા પોલીસને આ મામલે જાણ કરવામાં આવી હતી. પોલીસે શંકાનાં આધારે બોમ્બ ડિશપોઝ સ્કૉર્ડને બોલાવી તપાસ કરી તો પાર્સલમાંથી બોમ્બ મળી આવ્યો. 

બોમ્બ સ્કૉર્ડે બોમ્બને ડિશપોઝ કરતાં અંદરથી જીલેટીન સ્ટીક ડિટોનેટર સ્વિચ સર્કિટ જેવી બોમ્બ બનાવવાની વસ્તુઓ મળી આવી હતી. પોલીસે આ સમગ્ર મામલે સઘન તપાસ પણ હાથ ધરી છે. કારણ કે શાળા સંચાલકને નુકસાન પહોંચાડવા માટે આ કોઈનું કાવતરું હતું. ત્યારે કોણે આ પાર્સલ મોકલ્યું હતું અને કોણ શાળા સંચાલકને નુકસાન પહોંચાડવા માગતું હતું. તે તો તપાસ બાદ જાણી શકાશે.

1 ક્લિક પર જોડાવો VTV ના સોશિયલ એકાઉન્ટ્સ સાથે...