જુસ્સો / જંગ હોય કે રમતનું મેદાન: યુક્રેનના ખેલાડીઓએ બેઈજિંગમાં ધમાલ મચાવી, 3 ગોલ્ડ સહિત 7 મેડલ જીત્યા

• યુક્રેનના ખેલાડીઓએ કમાલ કરી
• જંગમાં પરિવાર ફસાયેલો પણ દેશ માટે જીત જરૂરી
• 7 મેડલ જીતી દેશનું નામ રોશન કર્યું

યુક્રેનના એથલિટોએ શાનદાર પરફોર્મનો પરચો આપતા શનિવારે પૈરાલંપિકમાં ત્રણ ગોલ્ડ મેડલ સહિત કુલ સાત મેડલ દેશના નામે કર્યા છે. બેઈજિંગ પૈરાલંપિકમાં પ્રથમ દિવસે, ચીન સુધી પહોંચવા માટે મુશ્કેલ હાલાતમાં યુક્રેનના ખેલાડીઓએ આ સિદ્ધી મેળવી છે. યુક્રેનમાં હાલક ઠીક નથી, ત્યારે આવા સમયે પોતાના પરિવારને છોડીને બીજા દેશમાં જવુ અને આવા કપરાં સમયમાં પણ વિશ્વ મંચ પર પોતાના દેશનું પ્રતિનિધિત્વ કરવું ગર્વની વાત જ કહેવાય. યુક્રેનના એથલિટોએ 3 ગોલ્ડ મેડલ, 3 રજત પદક અને એક કાંસ્ય પદક જીત્યો છે. 

Here we go! #Gold #Silver #Bronze

First medals from #Beijing2022 #WinterParalympics

Full table here: https://t.co/KcY5kqAFKM pic.twitter.com/iARqK02gOS

— Paralympic Games (@Paralympics) March 5, 2022

અંધારામાં પ્રકાશની રોશની મળી

3 ગોલ્ડ મેડલ સાથે યુક્રેનની ટીમ બેઈજિંગ પૈરાલંપિક ટોચ પર પહોંચી ગઈ છે. જે ખૂબ જ મહત્વની વાત છે અને રાષ્ટ્ર માટે અંધારામાંથી પણ પ્રકાશની રોશની બહાર આવી છે. યુક્રેનના 33 વર્ષિય એથલિટ ગ્રિગોરી વોવચિન્સ્કિે કહ્યું કે,  મેં આ હરીફાઈ વિશે વિચારવાની કોશિશ કરી, પણ આજે એ અઘરૂ છે, જીવન વધારે મહત્વનું છે. અમારા લોકો, અમારા બાળકો.

વિશ્વશાંતિ માટે મહેનત

ગોલ્ડ મેડલ જીતનારા આ એથલિટે આગળ કહ્યું કે, હું આ દોડમાં યુક્રેનમાં શાંતિ અને ત્યાંના લોકોને સમર્પિત કરુ છું. દોડમાં 11માં સ્થાન પર રહેલા જાપાનના તેમના મિત્ર કેઈચી સાતોએ કહ્યું કે, તે વાત કરી રહ્યા હતા કે, તેમને દુનિયામાં શાંતિને વધારવા માટે સારૂ પ્રદર્શન કરવાની જરૂર છે. 

યુક્રેન પર આક્રમણ

જણાવી દઈએ કે, રશિયાના રાષ્ટ્રપતિ વ્લાદિમીર પુતિને યુક્રેન પર સ્પેશિયલ મિલિટરી ઓપરેશનનું એલાન કરીને સૌને હેરાન કરી મુક્યા છે. રશિયાના રાષ્ટ્રપતિની આ જાહેરાત બાદ યુક્રેનની રાજધાની કીવ સહિત દેશના અન્ય ભાગમાં સતત ધમાકા થઈ રહ્યા છે. સમગ્ર યુક્રેનમાં માતમ છવાયેલો છે.