ગુજરાત હાઇકોર્ટમાં ઇ-સેવા કેન્દ્રથી અરજદારો, વકીલો, પક્ષકારોનો સમયનો બચાવ થશે, હવે ડોક્યુમેન્ટ જમા કરાવવા માટે કોર્ટ સુધી જવું પડશે નહીં
હાઈકોર્ટમાં શરૂ થશે પેપરલેસ ઇ-સેવા
ઓનલાઈન જમા કરાવી શકાશે દસ્તાવેજ
કેસની તારીખની પણ થશે ઓનલાઈન જાણ
ગુજરાત હાઇકોર્ટમાં પેપરલેસ ઇ-સેવા કેન્દ્ર શરૂ કરાશે. ગુજરાત હાઇકોર્ટમાં ઇ-સેવા કેન્દ્રથી અરજદારો, વકીલો, પક્ષકારોનો સમયનો બચાવ થશે. હવે ડોક્યુમેન્ટ જમા કરાવવા માટે કોર્ટ સુધી જવું પડશે નહીં. `માય કેસ સ્ટેટ્સ' મારફતે કોર્ટમાં ડોક્યુમેન્ટ જમા કરાવાના રહેશે. `માય કેસ સ્ટેટસ' પર મેઈલ કરવાથી કેસની વિગતો,અરજીઓ થઇ શકશે. ગ્રામ્ય વિસ્તારોઓમાંથી આવતા માટે ઇ-સેવા કેન્દ્ર આશીર્વાદ રૂપ બનશે. કેસની તારીખ જાણવા કેસનું સ્ટેટસ સાઇટ પરથી મળી રહેશે. ગુજરાત હાઇકોર્ટ કેસ કાર્યવાહી બાદ ઇ-કેન્દ્ર પણ શરૂ કર્યા છે.
ગુજરાત હાઈકોર્ટમાં ફિઝીકલ હિયરિંગની થશે શરૂઆત
ગુજરાતમાં લાંબા સમયબાદ હવે હાઈકોર્ટના દરવાજા ખુલશે. કોરોના મહામારીના કારણે તમામ કોર્ટની કામગીરી બંધ કરી દેવાઈ હતી. પરંતુ જેમ-જેમ ગુજરાતમાં કોરોનાના કેસ ઘટ્યા તેમ ઓનલાઈન હિયરિંગ શરૂ કરાઈ હતી. જે બાદ ડિસ્ટ્રિક્ટ અને મેટ્રો કોર્ટને ખોલવામાં આવી હતી. અને આ કોર્ટમાં ફિઝિકલ હિયરિંગ શરૂ થઈ છે. જે બાદ હાઈકોર્ટના દરવાજા ખુલી રહ્યા છે. જો કે, આજ સુધી ઓનલાઈન હિયરિંગ ચાલુ હતી. આગામી 17મી ઓગસ્ટથી હાઈકોર્ટમાં ફિઝીકલ હિયરિંગ શરૂ થશે.