IND vs NZ / આવતા મેચમાંથી પંતની છુટ્ટી પાક્કી! IPL માં ગુજરાતને જીત અપાવનાર આ ખેલાડીને મળશે તક

• ટીમ ઈન્ડિયા એ ન્યુઝીલેન્ડને 65 રનથી હરાવ્યું હતું
• ન્યૂઝીલેન્ડ સામે પંત રહ્યો ફેલ 
• આ ઓપનરને મળી શકે છે તક 

ન્યૂઝીલેન્ડ પ્રવાસ પર ટીમ ઇન્ડિયા શાનદાર લયમાં જોવા મળી રહી છે. ભારતીય ક્રિકેટ ટીમે 3 મેચની સીરિઝના બીજી T20 મેચમાં ટીમ ઈન્ડિયા એ ન્યુઝીલેન્ડને 65 રનથી હરાવ્યું હતું અને ભારતની આ જીતમાં સૂર્યકુમાર યાદવ, ઓલરાઉન્ડર દીપક હુડા અને અનુભવી લેગ સ્પિનર ​યુઝવેન્દ્ર ચહલે મહત્વની ભૂમિકા ભજવી હતી. ન્યૂઝીલેન્ડ સામેની મેચમાં ઋષભ પંતને ટીમના પ્લેઈંગ ઈલેવનમાં સામેલ કરવામાં આવ્યો હતો અને પંત ઓપનિંગ પર ઈશાન કિશન સાથે આવ્યો હતો.

📹📹 Of scenic routes, mountains and meadows and some fun along the way as #TeamIndia touchdown Napier ahead of the third and final T20I against New Zealand.#NZvIND pic.twitter.com/zobGI3V0ml

— BCCI (@BCCI) November 21, 2022

જો કે આટલા મોકા પછી પણ પંત કંઈ ખાસ કરી શક્યો નહોતો અને માત્ર 46.15ના સ્ટ્રાઈક રેટથી 13 બોલમાં 6 રન બનાવીને પેવેલિયન પરત ફર્યો હતો. એટલા માટે હવે આવનારી મેચમાં તેનો પત્તો કપાઈ રહ્યો હોય એવું લાગી રહ્યું છે અને તેના સ્થાને આ ખેલાડીને ટીમમાં સામેલ કરી શકાય છે.

આ ઓપનરને મળી શકે છે તક 
આવનાર મેચમાં ઋષભ પંતની જગ્યાએ શુભમન ગિલને ટીમમાં સામેલ કરવામાં આવી શકે છે. એ સાથે જ  ગિલ T20 ઇન્ટરનેશનલમાં પણ ડેબ્યૂ કરી શકે છે. જણાવી દઈએ કે ગિલ અત્યાર સુધી ભારત માટે ટેસ્ટ ક્રિકેટ અને વનડે મેચ રમી ચૂક્યો છે અને ભારતીય ટીમ માટે અનેક વખત ઓપનિંગ કરી ચૂક્યો છે. આ સાથે ODI ક્રિકેટમાં તે ઓપનર તરીકે રમતા જોવા મળ્યો છે. 

Back again 💙🏟️ pic.twitter.com/ZBGOZ92hPr

— Shubman Gill (@ShubmanGill) October 28, 2022

વિસ્ફોટક બેટિંગ કરે છે ગિલ 
છેલ્લા કેટલાક સમયથી શુભમન ગિલના બેટનો અવાજ આઆખી દુનિયામાં સંભળાઇ રહ્યો છે અને 23 વર્ષનો આ ખેલાડી મોટી ઇનિંગ્સ રમવા માટે પ્રખ્યાત છે. ગિલે ભારત માટે 11 T20 મેચોમાં 579 રન અને 12 ODIમાં 579 રન બનાવ્યા છે, જેમાં એક સદી પણ મારી હતી અને હવે ન્યુઝીલેન્ડ પ્રવાસમાં સારું પ્રદર્શન કરીને તે ટીમ ઈન્ડિયામાં પોતાનું સ્થાન નિશ્ચિત કરી શકે છે. 

પંતનું ટી20 કરિયર સારું ન રહ્યું 
ટેસ્ટ ક્રિકેટમાં જોરદાર પ્રદર્શન કરતાં ઋષભ પંત અત્યાર સુધી ટી20 ઈન્ટરનેશનલમાં ઘણો ફિક્કો  દેખાઈ રહ્યો છે. પંતે તેની છેલ્લી ચાર T20 ઈન્ટરનેશનલ ઈનિંગમાં માત્ર 42 રન બનાવ્યા છે. જેમાં આફ્રિકા સામે 27, ઝિમ્બાબ્વે સામે 3, ઈંગ્લેન્ડ સામે 6 અને ન્યુઝીલેન્ડ સામે 6નો સમાવેશ થાય છે. પંતે અત્યાર સુધીમાં કુલ 65 T20 આંતરરાષ્ટ્રીય મેચ રમી છે, જેમાં તેને 22.69ની એવરેજ અને 125.77ની સ્ટ્રાઈક રેટથી 976 રન બનાવ્યા છે.