બોલિવૂડ / ત્રણેય ખાન અને અક્ષય કુમારને 2020માં આ અભિનેતા આપશે ટક્કર

• પંકજ ત્રિપાઠી પાસે વર્ષ 2020માં સૌથી વધુ પ્રોજેક્ટ્સ છે
• પંકજ ત્રિપાઠી પાસે ત્રણેય ખાન અને અક્ષય કરતાં વધુ ફિલ્મો 
• એમેઝોન પ્રાઈમની લોકપ્રિય સીરિઝ મિર્ઝાપુર-2માં પણ પંકજ જોવા મળશે

અક્ષય કુમાર એવા કલાકારોમાંથી એક છે જે ઈન્ડસ્ટ્રીમાં સખત મહેનત કરવા માટે પ્રખ્યાત છે. આ સિવાય સુપરસ્ટાર સલમાન ખાન, શાહરૂખ ખાન અને આમિર ખાન પણ છે જે એક વર્ષમાં એક જ ફિલ્મ કરે છે અને તેઓ પણ પોતાના મહેનત અને કામથી કમાલ દેખાડી જાય છે. પણ શું તમે જાણો છો કે વર્ષ 2020માં જેની સૌથી વધુ ફિલ્મો રિલીઝ થશે તે અક્ષય, સલમાન, આમિર કે શાહરૂખની નથી. તમને જાણીને આશ્ચર્ય થશે પરંતુ તે હકીકત છે અને જે કલાકારની 2020માં સૌથી વધુ ફિલ્મો આવવાની છે તે છે કાલીન ભૈયા એટલે કે પંકજ ત્રિપાઠી.

પંકજ ત્રિપાઠી પાસે વર્ષ 2020માં સૌથી વધુ પ્રોજેક્ટ્સ છે

પંકજ ત્રિપાઠી પાસે વર્ષ 2020માં સૌથી વધુ પ્રોજેક્ટ્સ છે. પંકજ એક-બે નહીં પરંતુ 9 ફિલ્મોમાં કામ કરી રહ્યા છે. પંકજ રણવીર સિંહની ફિલ્મ '83'માં તો જોવા મળશે જ, સાથે તેઓ ઈરફાન ખાન સ્ટારર ફિલ્મ 'અંગ્રેજી મીડિયમ'માં પણ મુખ્ય રોલમાં દેખાશે. જાહ્નવી કપૂરની ફિલ્મ 'ગુંજન સક્સેના'માં પણ પંકજ ત્રિપાઠી મહત્વની ભૂમિકામાં જોવા મળશે. સાથે જ ઓલ રાઉન્ડર એક્ટર પંકજ ત્રિપાઠી રૂહ અફ્ઝામાં પણ જોવા મળશે. 

એમેઝોન પ્રાઈમની લોકપ્રિય સીરિઝ મિર્ઝાપુર-2માં પણ પંકજ જોવા મળશે

ફિલ્મ મિમી, તાનાજીઃ ધ અનસંગ વોરિયર, પંગા, સંદીપ અને પિંકી ફરારની સાથે અનુરાગ બાસુની આગામી ફિલ્મમાં પણ તેઓ કામ કરી રહ્યાં છે એવા સમાચાર જાણવા મળ્યા છે. ફિલ્મો સિવાયની વાત કરીએ તો ડિજિટલ એન્ટરટેન્મેન્ટના એમેઝોન પ્રાઈમની લોકપ્રિય સીરિઝ મિર્ઝાપુર-2માં પણ પંકજ જોવા મળશે. પંકજ ત્રિપાઠીએ ફિલ્મ સુપર 30, ન્યૂટન, સ્ત્રી, ફેન્ટમ અને કાલાકાંડી જેવી ફિલ્મોમાં તેમની જબરદસ્ત એક્ટિંગ અને કામ દેખાડ્યું છે. હવે જોવાનું રહેશે કે આવનારા સમયમાં તેમના ફેન્સ માટે તેઓ શું લઈને આવવાના છે.