બોલિવૂડ અને તેમના ફેન્સના દિલોમાં પોતાના શાનદાર ટેલેન્ટ થકી જગ્યા બનાવનારા અભિનેતા પંકજ ત્રિપાઠી દરેક ફિલ્મમાં કંઇક એવુ કરે છે કે જે તેમના ફેન્સને હેરાન કરી દે છે. યુવાનો તો ઠીક તેમણે વૃદ્ધોને પણ તેમણે ઇમ્પ્રેસ કર્યા છે. હાલમાં જ એક વાત પર ખુલાસો કરતાં પંકજે કહ્યું કે તે નાટકોમાં મહિલાનું પાત્ર ભજવતાં હતા.
પંકજ ત્રિપાઠી કરતા હતા મહિલાનો રોલ
કાલિન ભૈયાના યુવાન-વૃદ્ધો દરેક છે દિવાના
એક સમયનો ગામડાનો છોકરો આજનો સુપરસ્ટાર
પંકજ ત્રિપાઠીએ હાલમાં જ નેહા ધૂપિયાના ચેટ શૉ, નો ફિલ્ટર નેહામાં ગયા હતા, ત્યાં તેમણે દિલ ખોલીને વાતો કરી હતી. તેમાં તેમણે જણાવ્યું કે તે પોતાના ગામમાં યોજાનાર નાટકોમાં મહિલાનું પાત્ર ભજવતા હતા. માત્ર આટલું જ નહી તેમાં તે આઇટમ સોન્ગ પણ કરતા હતા. તેમણે જણાવ્યું કે તે 10મા ધોરણમાં હતા ત્યારે પહેલી વાર તેમણે છોકરીનું પાત્ર ભજવ્યું હતુ. તે સમયે જે છોકરો છોકરી બનતો હતો તે પાછો આવ્યો ન હતો એટલે લોકોને થયુ કે હવે નાટક નહી થાય, ત્યારે તે પહેલી વાર મહિલા બન્યા અને નાટકમાં ભાગ લેવાનુ નક્કી કર્યું.
પંકજે વધુમાં જણાવ્યું કે અમારા ડાયરેક્ટર રાઘવ કાકાએ કહ્યું હતુ કે તારા પિતા પાસેથી પરમિશન લઇ આવ, કારણકે તે ગુસ્સે થઇને સ્ટેજ પર લાકડી લઇને સ્ટેજ પર ચડી શકે છે. પંકજના પિતાએ તેમને છોકરીનો રોલ કરવાથી નહોતા રોક્યા, તેમણે કહ્યું કે જો પંકજને ગમે તો તે આ રોલ કરી શકે છે.
મહત્વનું છે કે પંકજ હવે મનોરંજન ઇન્ડસ્ટ્રીનો એક એવો ભાગ બની ગયા છે કે તમે તેને ઇચ્છીને પણ ઇગ્નોર ન કરી શકો, પંકજે પોતાનો એક અલગ ચાહક વર્ગ ઉભો કર્યો છે. મિર્ઝાપુરના કાલિન ભૈયા હોય કે સેક્રેડ ગેમ્સના બાબા પંકજે દરેક પાત્રને પૂરતો ન્યાય આપ્યો છે.