ગાંધીનગર / રાજ્યના ગૃહખાતાના ACS તરીકે પંકજ કુમારને વધારાનો ચાર્જ, VTVGujarati.comની ખબર પર મહોર

• પંકજ કુમાર સંભાળશે ગૃહવિભાગના એડિશનલ ચીફ સેક્રેટરીનો વધારાનો ચાર્જ
• વયમર્યાદાથી સેવાનિવૃત્ત થઇ રહ્યા છે સંગીતા સિંઘ 
• VTVGujarati.com એ સૌપ્રથમ આ મુદ્દે અહેવાલ પ્રકાશિત કર્યો હતો જેના પર સરકારે મહોર મારી 

ગૃહખાતાના પ્રતિષ્ઠિત પદ પર પંકજ કુમારની વરણી 

ગુજરાત રાજ્યના રેવન્યુ વિભાગના એડીશનલ ચીફ સેક્રેટરીને ગૃહવિભાગના એડીશનલ ચીફ સેક્રેટરી તરીકે વધારાનો ચાર્જ સોંપવામાં આવ્યો છે. સંગીતા સિંહ ગૃહવિભાગના એડીશનલ ચીફ સેક્રેટરી તરીકે કામ કરી રહ્યા હતા પરંતુ હવે તેઓ વયમર્યાદાથી નિવૃત્ત થઇ રહ્યા છે. તેઓની નિવૃત્તિ સાથે તેમના સાથે નવા ગૃહવિભાગના સચિવ કોણ બનશે એ મુદ્દે સચિવાલયમાં વિવિધ અટકળો થઇ રહી હતી. એવામાં હવે પંકજ કુમારનું નામ સામે આવી રહ્યું છે. 

VTVGujarati.com આ મુદ્દે આપવામાં આવ્યો હતો અહેવાલ 

નોંધનીય છે કે VTVGujarati.com એ આ માહિતી સૌથી પહેલા પ્રકાશિત કરી હતી કે એડીશનલ ગૃહસચિવનો ચાર્જ પંકજ કુમારને સોંપાઈ શકે છે જેના પર હવે સરકારે પણ મહોર મારી છે. 

રાજીવ કુમાર પણ હતા રેસમાં 

સંગીતા સિંઘ બાદ પંકજ કુમાર 1986ની બેચના IAS અધિકારી છે. ગૃહખાતાના આ પદ માટે પંકજ કુમારની સાથે સાથે ડૉ રાજીવ કુમાર ગુપ્તાનું નામ પણ રેસમાં માનવામાં આવી રહ્યું હતું, જોકે સરકારે પંકજ કુમાર પર પોતાની પસંદગી ઉતારી છે. 

કોરોનાકાળમાં પંકજ કુમારને સોંપાયું કામ 

ગુજરાત જ્યારે કોરોના વાયરસકાળનો સામનો કરી રહ્યું છે ત્યારે કોવિડ 19ની પરિસ્થિતિને કાબૂમાં લેવા માટે પંકજ કુમારને વધારાની જવાબદારી પણ આપવામાં આવી હતી. પંકજ કુમારને રાજ્યના આરોગ્ય વિભાગમાં કોરોના મામલેની કામગીરીમાં માર્ગદર્શન અને નિર્દેશની કામગીરી સોંપવામાં આવી છે. 

રાજ્યના ચીફ સેક્રેટરી બનવાની સીધી તક ! 

નોંધનીય છે કે  2021ની ફેબ્રુઆરીમાં અનિલ મુકીમનો કાર્યકાળ પૂર્ણ થઇ રહ્યો છે તેથી ગૃહવિભાગના સચિવને ચીફ સેક્રેટરી બનવાનો સીધો મોકો છે. એવામાં ડૉ રાજીવ કુમાર ગુપ્તા અને પંકજ કુમાર વચ્ચે સ્પર્ધા પણ જામી હતી તેવું VTVGujarati.comના સૂત્રોએ જણાવ્યું હતું. 

સિનિયર અધિકારીઓની અછતથી ઘણા વિભાગો એડિશન ચાર્જથી ચાલી રહ્યા છે

નોંધનીય છે કે અત્યારે રાજ્યમાં સિનિયર અધિકારીઓની અછત છે તેથી ઘણા વિભાગો એડિશન ચાર્જ આપીને ચલાવવામાં આવી રહ્યા છે. અત્યારે રાજીવ ગુપ્તા સરદાર સરોવર નર્મદા નિગમના MDનો વધારાનો હવાલો સાંભળે છે. ડિપાર્ટમેન્ટ ઓફ પોર્ટ એન્ડ ટ્રાન્સપોર્ટને GADના એડિશનલ ચીફ સેક્રેટરી કમલ દયાની એડિશનલ ચાર્જ તરીકે સાંભળે છે તો વળી GNFCના MD તરીકેનો વધારાનો હવાલો ફાઇનાન્સના એડિશનલ ચીફ સેક્રેટરી પંકજ જોશી સાંભળે છે.