સાવધાન / TikTok ના રવાડે ચડ્યાં હોવ તો ભૂલી જજો, આ કિસ્સો જાણીને હચમચી જશો

• ટીકટોક બન્યુ મોતનું કારણ
• 22 વર્ષના યુવકનું વીજળીના થાંભલા પર ચડતા મોત
• મૃતકની લાશ બે કલાક સુધી થાંભલા પર લટકી રહી હતી

TikTok પર વિડીયો બનાવવાનો આજકાલ યુવાનોમાં ખુબ ટ્રેન્ડ ચાલી રહ્યો છે અને ન અપનાવવાના નુસખા વિડીયો બનવવા માટે અપનાવે છે. જ્યારે એક એવી જ ઘટના સામે આવી છે. 

22 વર્ષીય યુવક ટીકટોક બનવવા માટે દારૂની બોટલ લઈને રેલ્વે સ્ટેશન પહોંચી ગયો હતો. અને ત્યાં એક વીજળીના થાંભલા પર ચડી ગયો હતો. આ દરમિયાન યુવકને કરંટ લાગતા તેમનું મોત થયું હતું. અને મહત્વની વાત તે છે કે મૃતકની લાશ બે કલાક સુધી થાંભલા પર લટકી રહી હતી અને દુર્ઘટના બાદ યુવકના મિત્રો ઘટનાસ્થળેથી નાસી ગયા હતા. 

ધર્મગઢ ગામનો રહેવાસી 25 વર્ષીય યુવક વિકાસ પોતાના મિત્રો સાથે ટીકટોક વિડીયો બનાવવા માટે રેલ્વે સ્ટેશન ગયા હતા અને રેલ્વે લાઈન નજીકમાં થાંભલા પર ચડી ગયો હતો. જેના કારણે તે થાંભલાને ચોંટી ગયો હતો. આ ઘટના બાદ મિત્રો ત્યાંથી નાસી ગયા હતા.

ત્યાંથી પસાર થતાં વ્યક્તિએ પોલીસને જાણ કરી

આ ઘટના સમયે કોઈ વ્યક્તિ ઘટના સ્થળેથી પસાર થઈ રહ્યો હતો અને તે વ્યક્તિએ પોલીસને જાણ કરી હતી અને ત્યારબાદ લાશને હોસ્પિટલમાં લઈ જવામાં આવી અને તેમના મોબાઈલ દ્વારા ચકાસણી શરુ કરી.