રાહુલ બાબા રાજનીતિમાં આપની આ ચોથી પેઢી છે, પરંતુ ગરીબી હટી નહીં ઉલ્ટીની વધીઃ અમિત શાહ
બીજેપીનાં રાષ્ટ્રીય અધ્યક્ષ અમિત શાહે હરિયાણાનાં પાનીપતમાં કહ્યું કે, 'મહાભારતકાળથી આ ભૂમિનો ઇતિહાસ રહ્યો છે. તેઓએ કહ્યું કે, દેશભરમાં 14 જાન્યુઆરી બાદથી લઇને આ મારી 287ની લોકસભા સીટની મુલાકાત છે. તેઓએ કહ્યું કે, હું જ્યાં પણ ગયો ત્યાં એક જ નારો માત્ર સંભળાય છે કે, 'મોદી, મોદી, મોદી, મોદી.'
અમિત શાહે કહ્યું કે, આ મોદી માટે આમ જનતાનાં મનથી નિકળેલ આશીર્વાદ છે. તેઓએ જણાવ્યું કે, મને સંપૂર્ણ વિશ્વાસ છે કે આગામી પ્રધાનમંત્રી નરેન્દ્ર મોદી જ હશે. પીએમ મોદીની પ્રશંસા કરતા અમિત શાહે કહ્યું કે, તેઓ એક એવાં પ્રધાનમંત્રી છે, કે જેઓએ 20 વર્ષથી પણ એક છુટ્ટી નથી લીધી. ત્યારે બીજી બાજુ રાહુલબાબા વિદેશમાં વેકેશન પર ચાલી જાય છે. વેકેશન એવી રીતે મનાવે છે કે જાણે કે કોઇને માલુમ જ ના હોય કે તેઓ ક્યાં ચાલ્યા જાય છે. રાહુલ બાબાની માં પણ શોધતી રહી જાય છે કે મેરા બેટા કહાં ગયા?
અમિત શાહે કોંગ્રેસનાં રાષ્ટ્રીય અધ્યક્ષ રાહુલ ગાંધીને આડે હાથ લેતા કહ્યું કે, રાહુલ બાબાને જ્યારે ચૂંટણી આવે છે ત્યારે તેમને ગરીબો યાદ આવે છે. તેઓ ગરીબ-ગરીબ કરે છે. તેઓએ જણાવ્યું કે, રાહુલ બાબા રાજનીતિમાં આ આપની ચોથી પેઢી છે. ચાર પેઢીથી આપ ગરીબી હટાવવાની વાત કરી રહ્યાં છો. ગરીબી તો હટી નહીં પરંતુ ગરીબી વધી ગઇ છે. મોદીજીએ દેશની સાત કરોડ ગરીબ મહિલાઓને ગેસ સિલિન્ડર આપવામાં આવ્યાં.