ભારતીય ઈતિહાસમાં મરાઠાઓનું મહત્વનું સ્થાન રહ્યું છે. છત્રપતિ શિવાજીથી લઈને પેશવા બાજીરાવની કહાનીઓ આપણે બધાંએ સાંભળી છે, પરંતુ ડિરેક્ટર આશુતોષ ગોવારિકરે એક વધુ મરાઠા યોદ્ઘા, સદાશિવ રાવ ભાઉની કહાની રૂપેરી પરદે ઉતારી છે અને એવું કહેવામાં જરા પણ અતિશિયોક્તિ નથી કે તેમનો વિચાર ઘણો જ સારો છે.
ફિલ્મમાં દરેક પાત્રએ કરી છે દમદાર એક્ટિંગ
ફિલ્મના સેટ્સ બહુ જ સુંદર છે અને VFXનો સારો ઉપયોગ કર્યો છે
સંજય દત્ત ફિલ્મમાં ખિલજીની યાદ અપાવશે
ફિલ્મની કહાની
આ ફિલ્મની કહાની 14 જાન્યુઆરી 1761માં મરાઠાઓ અને અફગાનિસ્તાનના શાસક વચ્ચે ત્રીજું યુદ્ધ દેખાડવામાં આવ્યું છે. આ યુદ્ધમાં સદાશિવ રાવ ભાઉએ તે સમયના સૌથી ખૂંખાર અફગાની બાદશાહ અહમદ શાહ અબ્દાલી સાથે યુદ્ધ લડ્યું હતું અને આ યુદ્ધ એટલું જબરદસ્ત હતું કે અબ્દાલીએ પણ મરાઠાઓની હિમ્મત અને દૃઢતાની દાદ આપી હતી.
ફિલ્મમાં અર્જુન કપૂરે સદાશિવ ભાઉનો રોલ પ્લે કર્યો છે અને તેણે બહુ જ સારું કામ કર્યું છે. અર્જુન કપૂરે એક શૂરવીર યોદ્ધાનો રોલ પ્લે કર્યો છે. ફિલ્મમાં અર્જુનનો ક્રોધ, નમ્રતા અને દેશપ્રેમ જોવા લાયક છે, સાથે જ ક્રિતી સેનન સાથેનો રોમાન્સ પણ દેખાડ્યું છે. ક્રિતી આ ફિલ્મમાં સદાશિવ ભાઉની પત્ની પાર્વતી બાઈનો રોલ પ્લે કર્યો છે. ક્રિતી બાળપણથી સદાશિવને પ્રેમ કરતી હોય છે અને સદાશિવ સાથે લગ્ન બંધનમાં બધાઈને જીવનના દરેક પથ પર તેનો સાથ આપે છે. ક્રિતી ફિલ્મમાં ઘણી જ સુંદર લાગી રહી છે. તેનો લુક, અદાઓ અને એક્ટિંગ કમાલની છે. એટલું જ નહીં ક્રિતી યુદ્ધમાં પણ સાથ આપે છે.
બધાં પાત્રોએ દમદાર એક્ટિંગ કરી છે
ફિલ્મના વિલન અહમદ શાહ અબ્દાલીનો રોલ સંજય દત્તે પ્લે કર્યો છે. ફિલ્મમાં તેનો લુક જોઈને ફિલ્મ 'પદ્માવત'ના ખિલજીની યાદ આવી જશે, જોકે, સંજયના અબ્દાલીના રોલમાં ખિલજી જેવું કંઈ જ નથી. તે એક અલગ જ રોલ છે. જેને સંજય દત્તે ખૂબ જ સારી રીતે નિભાવ્યો છે. અબ્દાલી જાનવર જેવો બતાવ્યો છે, તે તેના રસ્તામાં આવનારા કોઈપણ વ્યક્તિને છોડતો નથી પણ પછી તેનો સામનો સદાશિવ ભાઉથી થાય છે અને તેને એક નવી વાત ખબર પડે છે. સંજય દત્ત સિવાય નજીબના રોલમાં મંત્રાએ પણ સારું કામ કર્યું છે. સાથે જ એક્ટર સાહિલ સલાથિયા, મોહનીશ બેહલ, પદ્મિમિની કોલ્હાપુરે, ઝીનત અમાન, વિનીતા મહેશ, નવાબ શાહ, ગશ્મીર મહાજની, સુહાસિની મુલે અને અભિષેક નિગમે પણ બહુ સારી એક્ટિંગ કરી છે. આ ફિલ્મની લીડ સ્ટારકાસ્ટની સાથે સપોર્ટિંગ સ્ટારકાસ્ટે પણ બહુ જ મજબૂત એક્ટિંગ કરી છે અને આ ફિલ્મને વધુ બેસ્ટ બનાવે છે.
આશુતોષના ડિરેક્શનનો જાદુ દેખાશે
આશુતોષના ડિરેક્શનનો જાદુ તમને ફિલ્મની દરેક ફ્રેમમાં જોવા મળશે. સેટ્સ બહુ સુંદર બતાવ્યા છે. જોકે, અમુક જગ્યાએ VFX અજીબ પણ લાગે છે. ફિલ્મ થોડી લાંબી લાગશે. ફર્સ્ટ હાફ સ્લો છે અને ઘણો લાંબો પણ છે. સેકન્ડ હાફમાં ફિલ્મ સ્પીડ પકડે છે અને તે જોઈને તમને લાગશે કે પૈસા વસૂલ થઈ ગયા. ફિલ્મનું મ્યૂઝિક અજય અતુલે આપ્યું છે અને તે પણ ઘણું સારું છે. તો આ ફિલ્મ ચોક્કસથી જોવી જોઈએ. તમે નિરાશ નહીં થાવ.