ગેરવર્તણૂંક / વેલેન્ટાઈન ડે પર બબાલ: વડોદરા અને ગાંધીનગરમાં બજરંગ દળના કાર્યકરો જાહેર માર્ગો પર યુગલો પાછળ ભાગ્યા, જુઓ VIDEO

• ગાંધીનગરમાં બજરંગદળની દાદાગીરી
• બગીચામાં બેઠેલા યુગલો સાથે કરી બબાલ
• વડોદરામાં બજરંગ દળના કાર્યકરોની દાદાગીરી
• કમાટીબાગના ગેટ પાસે લોકો અને બજરંગ દળના કાર્યકરો વચ્ચે બબાલ

વડોદરામાં બજરંગ દળના કાર્યકરોની દાદાગીરી સામે આવી છે. વેલેન્ટાઈન ડે નિમિત્તે એકઠા થયેલા યુગલો સાથે બજરંગ દળના કાર્યકરોએ ગેરવર્તણૂંક કરી હતી. વડોદરામાં આવેલ ફતેગંજ, કમાટીબાગમાં યુગલો શાંતિથી બેઠા હતા.  તેઓની એકઠા થઈને ગયેલા બજરંગ દળના કાર્યકર્તાઓએ યુગલોને  હેરાન પરેશાન કર્યા હતા. કમાટી બાગના ગેટ પાસે બજરંગ દળના કાર્યકરો તેમજ યુવક વચ્ચે બબાલ પણ થવા પામી હતી. બેફામ  બનેલા કાર્યકરો ટ્રાફિકથી ધમધમતા માર્ગ પર યુવતી પાછળ ભાગ્યો હતો.

 ગાંધીનગરમાં પણ બજરંગ દળના કાર્યકરોની દાદાગીરી સામે આવી
ગાંધીનગરમાં બજરંગ દળની દાદાગીરી સામે આવી છે. આજે ભારત સહીત સમગ્ર વિશ્વમાં વેલેન્ટાઇન ડે ની ઉજવણી કરવામાં આવી રહી છે. તેવામાં બજરંગ દળનાં કાર્યકરોએ ગાંધીનગરમાં જાહેર બગીચાઓમાં બેસતા યુગલોને ભગાડયાની ઘટના સામે આવી છે. ત્યારે સવાલ એ ઊભો થાય છે કે વેલેન્ટાઇન ડેના વિરોધના નામે દાદાગીરી કેમ કરવામાં આવી રહી છે. માત્ર વેલેન્ટાઇનનાં દિવસે જ કેમ બજરંગ દળનાં કાર્યકરો આ બાબતે સામે આવતા હોય છે? તેમજ બાકીનાં 364 દિવસ ક્યાં હોય છે ?