રેસિપી / સ્વાદિષ્ટ રેસ્ટોરેન્ટ જેવી પનીર ભુરજી ઘરે બનાવો, આ રહી ટીપ્સ એન્ડ ટ્રીક્સ

સામગ્રી

• રાઈ એક ચમચી
• જીરૂં એક ચમચી
• હિંગ પા ચમચી
• તજ એકાદો ટુકડો
• લવિંગ- ચાર
• કાળામરી- સાતથી આઠ
• સીંગદાણા- 50 ગ્રામ
• બાદિયા- 3થી ચાર
• તમાલપત્ર- બે પત્તા

• લીલુ મરચુ- બે મરચાં
• લસણ- ચારથી પાંચ કળી ફોલેલી
• આદુ- કટકો આદુ
• ડુંગળી- એક ડુંગણી સમારેલી
• કેપ્સીકમ મરચા- એક કેપ્સીકમ સમારેલું
• ટામેટા- બે ટામેટા સમારેલા
• હળદર- એક ચમચી
• લાલમરચું- બે ચમચી
• ધાણાજીરૂં- દોઢ ચમચી
• નમક સ્વાદનુસાર

• લીંબુ એક
• 200 ગ્રામ પનીર

રેસિપી
ગ્રેવી માટે

• એક કડાઈમાં બે ચમચા તેલ લો 
• તેમાં રાઈ નાંખો રાઈ તડતડ બોલે પછી, જીરૂં અને હિંગ નાંખો
• તેમાં હવે ખડો મસાલો એટલે કે, તજ, લવિંગ, બાદિયા, તમાલ પત્ર ઉમેરો
• હવે સિંગદાણા નાંખો
• હવે તેમાં લીલુ મરચું, આદુ, લસણ ઉમેરી સાંતળો
• તેમાં હવે ડુંગળી ઉમેરી લો ત્યાર બાદ કેપ્સીકમ અને ટામેટા ઉમેરો 
• તેમાં હળદર, મરચુ, મીઠુ, ધાણાજીરૂં ઉમેરો
• આ તમામને સાંતળી લો
• હવે આ મસાલો ઠંડો થઈ જાય એટલે તેને મિક્ષરમાં ક્રશ કરી તેની ઢીલી લચકા પડતી ગ્રેવી બનાવી લો. 

પનીર ભુરજી માટે

• એક કડાઈમાં બટર અથવા તેલ મૂકો 
• તેમાં ફરીથી એક ચમચી રાઈ નાંખો
• તૈયાર કરેલી ગ્રેવી ઉમેરો
• જો ગ્રેવી ઘટ્ટ હોય તો તેમાં થોડુ પાણી ઉમેરી બે મિનિટ ચઢવા દો
• હવે તેમાં પનીર છીણીને નાંખી દો બે મિનિટ બાદ ઉતારી લો
• તમારી સ્વાદિષ્ટ હોમ મેડ પનીર ભુરજી તૈયાર છે.
• ઉપર લીંબુ નીચોવી ગરમા ગરમ પીરસો 

ટીપ્સ

• પનીર નાંખ્યા બાદ ગેસને વધુ વાર સુધી ઓન ન રાખો
• ગ્રેવીમાં તેલ છુંટે પછી જ પનીર ઉમેરો
• લીંબુને છેક છેલ્લે નાંખવું