ટેક્સ ચોરી / પેંડોરા લીક : સચિન, અંબાણી અને નીર રાડિયાનું શું છે કનેક્શન, 1.19 કરોડ ફાઈલોમાં ખુલી પોલ

• દુનિયાભરના અમિરોએ લાખો કરોડો રુપિયાની ટેક્સ ચોરી કરી અહીં જમા કર્યા પૈસા
•  35 નેતા આપણા દેશના સર્વોચ્ચ પદો પર
• દેવાળુ ભૂંકનાર ભાગેડૂ નીરવ મોદી અને અનિલ અંબાણીના નામ પણ સામેલ

દુનિયાભરના અમિરોએ લાખો કરોડો રુપિયાની ટેક્સ ચોરી કરી અહીં જમા કર્યા પૈસા

વિદેશમાં જમાં કરવામાં આવેલા ધનનો ખુલાસો કરનારા આ દસ્તાવેજો મુજબ દુનિયાભરના અમિરોએ લાખો કરોડો રુપિયાની ટેક્સ ચોરી કરી ટેક્સ હેવન કહેવાતા દેશો અને કંપનીઓમાં આ પૈસા જમા કર્યા છે.  ઈન્ટરનેશનલ કંસોર્ટિયમ ઓફ ઈન્વેસ્ટિગેટિવ જર્નલિસ્ટ (આઈસીઆઈજે) દ્વારા જારી આ રિપોર્ટમાં આ ભારતીય હસ્તિઓ તરફથી વિદેશી ખાતાઓ અને કંપનીઓમાં જમા રાશિઓ અને સંપત્તિઓનો આ ખુલાસો થયો છે.

 35 નેતા આપણા દેશના સર્વોચ્ચ પદો પર

3 ટેરાબાઈટનો કુલ ડેટા, 1.19 કરોડ ફાઈલો અને 7,50,000 તસ્વીરો ખુલાસામાં સામેલ છે. જેમાં 1970સુધીના દસ્તાવેજો સામે છે. મોટા ભાગની 1996થી 2020ની છે. 91 દેશોના 330 રાજનેતાઓના નામ સામે આવ્યા છે. જેમાં 35 નેતા આપણા દેશના સર્વોચ્ચ પદો પર છે. 130 અરબપતિઓ આ યાદીમાં સામેલ છે.

સચિન તેંડુલકર- કંપની વેચીને પૈસા જમા કરાવ્યા

ક્રિકેટ મેગાસ્ટાર ભારત રત્ન સચિન તેંડુલકર, તેમની પત્ની અંજલિ અને સસરા આનંદ મહેતાનું નામ આવ્યું છે. 2016માં બ્રિટન વર્જિન આઈલેન્ડ (બીવીઆઈ) સ્થિત કંપની વેચીને રકમ વિદેશમાં જમા કરાવવાનો દાવો કર્યો છે. જો કે તેંડુલકરના વકીલે આ વેચાણને કાયદેસર ગણાવ્યું છે.

અનિલ અંબાણી- 9965 કરોડની 18 કંપનીઓ

9965 કરોડ રુપિયા મૂલ્યની વિદેશમાં કામ કરનારી 18 કંપનીઓની જાળ ફેલાવી છે. અનિલ અંબાણીએ ગત વર્ષ લંડનમાં એક બેંકમાં જણાવ્યું હતું કે તેમના નેટવર્થ શૂન્ય છે. બલ્કે ચીની સરકારના 3 બેંકોમાં પૈસા પણ તેમના પર ખર્ચાયા છે.

કિરણ મજૂમદાર -શો

કિરણ મજૂમદાર શોના પતિનું નામ આવ્યું છે. 7360 કરોડ કંપની બાયોકોનની પ્રમોટર કિરણના પતિ તથા બ્રિટિશ નાગરિકો જોન શો પર આરોપ  છે કે ઈનસાઈડર ટ્રેડિંગ માટે સેબી દ્વારા પ્રતિબંધિત કુણાલ અશોક કશ્યપની અધ્યક્ષતામાં ટ્ર્સ્ટ બનાવ્યું છે. જોકે કંપનીએ તમામ પ્રક્રિયા યોગ્ય હોવાનો દાવો કર્યો છે.

નીરવે ભાગતા પહેલા કર્યુ હતુ આ કામ

નીરવ મોદીએ ભાગતા પહેલા બહેન દ્વારા ટ્રસ્ટ બનાવડાવ્યું. તેની બહેન પૂર્વી મોદીએ ટ્ર્સ્ટ બનાવ્યુ. આ ટ્રસ્ટ નીરવના  ભાગવાના 1 મહિના પહેલા બનાવાયું હતુ. જ્યારે બીવીઆઈ સ્થિત જેસીટી લિમિટેડમાં પંજાબના ઉદ્યોગપતિ સમીર થાપર એક નોન પ્રમોટર તરીકે ભાગીદાર છે. મસ્ક હોલ્ડિંગ્સ લિ.ના 50 હજાર શેર પણ છે.

નીરા રાડિયા

લોબિંગ તથા ભ્રષ્ટાચારની આરોપી નીરા રાડિયાએ આ વખતે બીવીઆઈમાં લગભગ 12 કંપનીઓની ભાગીદારી તથા લેવડદેવડ કરતી હતી. તેમાંથી તેમણે એક ફર્મના માધ્યમથી દુબઈથી 1.86 કરોડની ઘડિયાળ ખરીદી હતી. તેમણે સેવાઓમાં રહેલી કંપનીઓમાં સીધી રીતની લેવડ લવડની મનાઈ હતી. 

જેકી શ્રોફ

ન્યૂઝિલેન્ડમાં પોતાની સાસુ ક્લોડિયા દત્તા દ્વારા બનાવવામાં આવેલા ટ્રસ્ટનો સૌથી વધારે ફાયદો જેકી શ્રોફને મળ્યો છે. ટ્રસ્ટનું સ્વિસ બેંકમાં ખાતું છે તો વર્જિન આઈલેન્ડમાં ઓફશોર કંપની પણ. જેમાં જેકીએ પૈસા નાંખ્યા છે. 

કેપ્ટન સતીશ શર્મા અને અજય કેરકર

ગાંધી પરિવારના નજીકના પૂર્વ પેટ્રોલિયમ મંત્રી દિવંગત કેપ્ટન સતીશ શર્માની પણ અનેક વિદેશી કંપનીઓ, ટ્રસ્ટ તથા સંપત્તિઓમાં ભાગીદારીનો દાવો કરવામાં આવી રહ્યો છે. જેનો ઉલ્લેખ તેમણે ચૂંટણી નામાંકન સમયે નથી કર્યો. તો ફ્રોડ માટે પહેલા પણ પકડાયેલા કોક્સ એન્ડ કિંગ્સના માલિક અજર કેરકર બ્રિટિશ વર્જિન આઈલેન્ડમાં બે કંપનીઓ ધરાવે છે. 6 અન્ય કંપનીઓ સાથે પણ સંબંધ છે.