પંડોરા પેપરમાં ખુબ જ હચમચાવી દેનારો ખુલાસો થયો છે. પાકિસ્તાની સેનાની સાથે અંડરવર્લ્ડ અને બૉલીવુડના કનેક્શનના સીધા સંબંધ સામે આવ્યા છે.
બૉલીવુડ, પાકિસ્તાની સેના અને અંડરવર્લ્ડને સંબંધોને પણ સ્પષ્ટ કર્યા
મુશર્રફે 40 વર્ષ બાદ કોઇ ભારતીય ફિલ્મને પ્રદર્શિત કરવાની મંજૂરી આપી
ઇમરાનની સેનાએ કર્યું પાકિસ્તાનને ખોખલું
પાકિસ્તાનમાં ભારતીય ફિલ્મ પર પ્રતિબંધ હટાવવા માટે એક ફિલ્મ ડાયરેક્ટરના દીકરાએ સીધો પરવેઝ મુશર્રફનો કોન્ટેક્ટ કર્યો હતો. આ ફિલ્મ ડાયરેક્ટરનો દીકરો અંડરવર્લ્ડના ડ્રગ કિંગ અને દાઉદ ઇબ્રાહિમનો બહુ ખાસ માનવામાં આવતા ઇકબાલ મિર્ચીની પત્નીનો ભાઈ છે.
પંડારા પેપરમાં થયેલા ખુલાસા અનુસાર 2007માં પાકિસ્તાની રાષ્ટ્રપતિ રહેલા જનરલ પરવેઝ મુશર્રફના ખુબજ નજીકના જનરલ સફતઉલ્લાહ શાહની પત્નીને 12 લાખ ડોલરનું એપાર્ટમેન્ટ લંડનમાં લીધો હતો. તેને દુબઈ અને લંડનમાં રેસ્ટોરન્ટ ચલાવનારા અકબર આસિફે આપ્યો હતો. અકબર આસિફ ભારતીય સિનેમા ડાયરેક્ટરના દીકરા છે. આ એજ ડાયરેક્ટર છે જેમણે મુગલ એ આઝમ ફિલ્મ બનાવી હતી.
તેમના દીકરા આસિફે લંડનના ડોરચેસ્ટર હોટલમાં પરવેઝ મુશર્રફને મળીને પોતાના પિતાની ફિલ્મને રિલીઝ કરવાની વાત કરી હતી. ત્યાર બાદ મુશર્રફે 40 વર્ષ બાદ કોઇ ભારતીય ફિલ્મને પ્રદર્શિત કરવાની મંજૂરી આપી હતી. આ વાતચીત બાદ જ અકબર આશિફે ખુબ જ ઝડપથી કેટલાક વિદેશી કંપનીઓમાંથી એક તલાહા લિમિટેડના માધ્યમથી જનરલ શાહની પત્નીને એપાર્ટમેન્ટ ખરીદીને આપ્યો હતો.
બૉલીવુડ, પાકિસ્તાની સેના અને અંડરવર્લ્ડને સંબંધોને પણ સ્પષ્ટ કર્યા
તમને જણાવી દઇએ કે, અકબર આશિફની બહેનનું નામ હિના કૌસર છે અને તેઓ ભારતના ગુનેગાર ઇકબાલ મિર્ચીની પત્ની છે. ઇકબાલ મિર્ચી દાઉદ ઇબ્રાહિમના સૌથી નજીકના લોકોમાં સામેલ હતા અને દાઉદના ડ્રગ નેટવર્કને સંભાળતો હતો. મુંબઈ પોલીસ અને ઈડીના વોન્ટેડ ઇકબાલ મિર્ચીને એશિયામાં ડ્રગ કિંગના રૂપમાં જોવામાં આવતો હતો. 1994માં સ્કોટલેન્ડ પોલીસે તેની ધરપકડ કરી હતી. ત્યારબાદ 2013માં લંડનમાં તેમનું મોત થઇ ગયું. આનાથી એ વાત સ્પષ્ટ સમજમાં આવે છે કે મુશર્રફ સાથે આશિફની મુલાકાત કેવી રીતે થઇ. આ વાત બૉલીવુડ, પાકિસ્તાની સેના અને અંડરવર્લ્ડને સંબંધોને પણ સ્પષ્ટ કરી રહ્યા છે.
ઇમરાનની સેનાએ કર્યું પાકિસ્તાનને ખોખલું
પાકિસ્તાનમાં સૌથી વધુ પૈસાની હેરાફેરી ઇમરાન ખાનની સેના એટલે કે નજીકના લોકોએ કર્યા છે. ઇમરાનના નજીકના નાણામંત્રી શૌકત તરીન અને જળ સંસાધન મંત્રી મોનિષ ઇલાહીએ કેટલીક કંપનીઓ વિદેશોમાં બનાવીને પૈસા પહોંચાડ્યા છે. ત્યારે પાકિસ્તાની સેનાના કેટલાક સૈન્ય અધિકારીઓએ પણ હેરાફેરી કરી છે. ઇમરાન ખાનના પૂર્વ સલાહકારના દીકરી વકાર મસૂદ ખાને પણ ખૂબ જ સંપત્તિ બનાવાઈ છે અને ઇમરાન ખાનની PTIને સૌથી વધુ દાન આપનારા આરિફ નકવીનું નામ પણ સામેલ છે. આરિફ નકવીને હેરાફેરીના કારણે અમેરિકામાં પ્રતિબંધિત કરી દેવાયા હતા.