પંચમહાલના હાલોલમાં GIDC વિસ્તારમાં આવેલા પ્લોટ નંબર 930 માંથી સરકારી કેરોસીનને સફેદ કરવાનું કૌભાંડ ઝડપાયુ છે. પંચમહાલ SOGની ટીમે હાલોલ GIDCના પ્લોટ નંબર 930માંથી 200 લીટર સરકારી કેરોસીનનો જથ્થો મળી આવ્યો હતો.
જેમાં અલગ-અલગ રસાયણ ભરેલા 207 બેરેલ 6 ગેસની સગડી 4 ગેસના બાટલા રસાયણ સંગ્રહ કરવા માટે વાપરવામાં આવતી 4 ટાંકીઓ 2 ઇલેક્ટ્રીક મોટરો અને 118 ખાલી બેરલ ઝડપી પાડ્યા છે.
ઉલ્લેખનીય છે કે દરોડા પાડીને પોલીસે 1 શખ્સની પણ ધરપકડ કરી છે. દરોડા પાડ્યા બાદ પોલીસે વડોદરામાંથી FSLની વિશેષ ટીમને બોલાવી હતી અને FSLની ટીમે ઝડપી પાડેલા રસાયણના નમુના લઈને આગળની કામગીરી હાથધરી છે.
જોકે આ સમગ્ર પ્રક્રિયા દરમિયાન મીડિયાને પોલીસ દ્વારા દુર રાખવામાં આવ્યા છે. મીડિયાને દુર રાખવામાં આવતા અનેક સવાલો પણ ઉઠ્યા છે. આ સાથે જ તેવું પણ લાગી રહ્યુ છે કે આ કૌભાંડને દબાવવામાં આવી રહ્યુ છે અને ભીનુ સંકેલવામાં આવી રહ્યુ છે.