સામાન્ય માણસ સોશિયલ ડિસ્ટન્સીંગ ન રાખે અથવા માસ્ક ન પહેરે કે ટ્રાફિકના નિયમો તોડે તો દંડ વસૂલતું તંત્ર લુખ્ખા તત્વો સામે પગલા લેવામાં કેમ ઢીલુ?
પંચમહાલના વેજલપુરમાં તલવાર સાથે યુવકનો વીડિયો વાયરલ
ખુલ્લી તલવાર લઈને રોડ પર ફરી રહ્યો હતો યુવક
રસ્તા પર અવરજવર કરનારાઓને બોલી રહ્યો હતો અપશબ્દ
ગુજરાતમાં દારૂબંધી છે અને શસ્ત્રો પણ તમે ખુલ્લે આમ ન રાખી શકો ત્યારે પંચમહાલના વેજલપુરમાં એક યુવક સરાજાહેર રોડ પર શસ્ત્રો સાથે ફરી રહ્યો છે.
પંચમહાલના વેજલપુરમાં બજારમાં એક યુવકનો તલવાર સાથેનો વીડિયો વાયરલ થયો છે. ખુલ્લી તલવાર લઈને રોડ પર ફરી રહેલો શખ્સ લોકોમાં આવતા જતા લોકોને અપશબ્દો બોલી રહ્યો છે. આ શખ્સ નશાની હાલતમાં છે. અને વેજલુપરના SBI સર્કલ પાસે શખ્સે તલવાર લઈને રૌફ જમાવ્યો હતો. આ મામલે વેજલપુર પોલીસે ગુનો નોંધીને આરોપીની શોધખોળ ચાલુ કરી છે.
સળગતા સવાલ
કાયદો વ્યવસ્થા ક્યાં છે?
માસ્ક, ટ્રાફિક મુદ્દે કરોડો વસૂલે છે દારૂબંધી મુદ્દે ચૂપ?
નાનકડી વાતોમાં આમ આદમીને દંડે છે આવા લુખ્ખા તત્વોનું શું?