પંચમહાલ જિલ્લા તંત્ર બીલીથા ગામના વિદ્યાર્થીઓનો આ વીડિયો જુએ, શું નાનપણથી ભણવા માટે કષ્ટ વેઠવાનું?
પંચમહાલના બીલીથાનો વીડિયો વાયરલ
વિદ્યાર્થીઓ પાણીમાં ચાલીને સ્કૂલે જવા મજબૂર
ઘૂંટણસમા પાણીમાં ચાલવા વિદ્યાર્થીઓ મજબૂર
ભણશે ગુજરાત આગળ વધશે ગુજરાતની બણગા ફૂંકતા નેતાઑ માટે ગુજરાતમાં ભણવા જતા બાળકોની જમીની હકીકત જોઈલે. નાના ભૂલકા કાદવ કીચડથી લથપથ રસ્તામાં પાણીના વહેણને તોડી ભણવા જઈ રહ્યા છે. ન પાકો રસ્તો છે, ન કોઈ સાધનની સુવિધા બસ મજબૂરીના માર્યા ભણવાની ભૂખે શાળા તરફ જઈ રહ્યા છે. જુઓ પંચમહાલનાબીલીથા ગામનો આ વીડિયો
ઘૂંટણસમા પાણીમાં બાળકો શાળાએ જાય છે..!
પંચમહાલ જિલ્લાના બીલીથા ગામના વિદ્યાર્થીઓ ઘૂંટણસમા પાણીમાં ચાલીને સ્કૂલે જવા મજબૂર બન્યા છે. બીલીથાથી રામગઢી તરફ જવાના માર્ગ પર વરસાદી પાણી ભરાયા છે. જેનો યોગ્ય નિકાલ ન થતાં વિદ્યાર્થીઓ પાણીમાં ચાલવા મજબૂર બન્યા છે. બીલીથા ગામમાં વર્ષોથી પાણી ભરાવાની સમસ્યા સર્જાઈ છે. જેનું યોગ્ય નિકારણ આવતું નથી. જેને કારણે વિદ્યાર્થીઓ પાણીમાં ચાલવા મજબૂર બન્યા છે.
તંત્ર પાસે કોઈ ઉપાય ખરો?
આ વીડિયો અનેક સવાલો ઊભા કરે છે. ગુજરાત શિક્ષણ વિભાગ તરફથી જિલ્લા તંત્ર અને આચર્યને ખુલ્લી છૂટ આપી દેવામાં આવી છે કે સ્થિતિ જોઈને જ શાળા ચાલુ રાખે પણ આ બીલીથા ગામની શાળામાં તંત્રના આદેશને ઘોળી ને પી જવામાં આવ્યો છે. બાળકો તાળવે જીવ ચોંટાડી સ્કૂલે જઈ રહ્યા છે. ત્યારે પ્રશાંશન દ્વારા વર્ષો જૂની પાણી ભરાવાની સમસ્યા પર ધ્યાન દેવાયું છે ન તો શાળા દ્વારા બાળકોને આવવામાં તકલીફ ન પડે તેની વ્યવસ્થા કરવામાં આવી છે. જો કોઈ નાના ભુલકાને કઈ પણ થાય તો જવાબદારી કોની એ મોટો પ્રશ્ન છે. આ વાયરલ વીડિયો તંત્રને અરીસો બતાવી રહ્યો છે પણ બીલીથા ગામની તફલીફને ક્યારે વાચા મળે છે તે જોવું રહ્યું