પંચમહાલમાં બાળતસ્કરી થતી હોવાનો ઘટસ્ફોટ થયો છે. તાજા જન્મેલા બાળકનો વેપાર થતો હોવાનું સામે આવતા ખળભળાટ મચી ગયો છે.
પંચમહાલના કાલોલમાં બાળકને વેચવાની સામે આવી ઘટના
તાજા જન્મેલા બાળકને વેચવાનો બનાવ સામે આવ્યો
ખાનગી હોસ્પિટલમાં કામ કરતી મહિલાએ ઘરે જ કરાવી ડિલિવરી
પંચમહાલના કાલોલમાં બાળકને વેચવાની ઘટના સામે આવતાં ચકચાર મચી ગઈ હતી. તાજા જન્મેલા બાળકને વેચવાનો બનાવ સામે આવ્યો છે. ખાનગી હોસ્પિટલમાં કામ કરતી મહિલાએ ઘરે જ ડિલિવરી કરાવી હતી. અને પછી ખાનગી હોસ્પિટલની મહિલાએ જ બાળકને વેચી દીધું હતુ.
15 હજારમાં મંજુલાબેન નામની મહિલાએ બાળકને વેચી દીધુ હોવાનો ઘટસ્ફોટ થયો છે. મંજુલાબેન રાધાગોપી હોસ્પિટલમાં નોકરી કરે છે. સુરેલીના દંપત્તિને બાળક વેચી દીધુ હોવાનું પ્રાથમિક તપાસમાં બહાર આવ્યું છે. આ અંગે જિલ્લા બાળ સુરક્ષા અધિકારીને અરજી મળી હતી જેને આધારે કાર્યવાહી કરવામાં આવી હતી. હાલ તો બાળકના માતા-પિતા કોણ તે અંગે શોધખોળ હાથ ધરાઇ છે.