એમેઝોન પ્રાઈમ પર આવેલ સીરીઝ પંચાયત-2 ને લોકોએ ખુબ વખાણી છે. હજુ લોકોમાં તેના ચિત્રો દુર નથી થયા ત્યાં જ તે સીરીઝ ના ડાયરેક્ટરે પંચાયત-3 ના સંકેતો આપી દીધા છે.
પંચાયત-3 ના સંકેત આપ્યા ડાયરેક્ટર દિપક કુમાર મિશ્રાએ
પંચાયત-3 અભદ્રતાથી દુર રાખીને બનાવી
શું નવી સિઝનમાં રિંકી અને સચિવજી ના લગ્ન થશે ?
કોમેડીથી ભરપુર છે પંચાયત
પંચાયત એક ખુબ જ શાનદાર અને કોમેડી વેબ સીરીઝ રહી છે. હજુ લોકોના માનસપટ પરથી સિઝન-૨ પણ નથી ઉતરી ત્યાં જ તેમના ડિરેક્ટર દિપક કુમાર મિશ્રાએ સિઝન-3 વિશેની માહિતી આપી દીધી છે. આ સીરીઝને લોકોએ ખુબ પસંદ કરી છે રઘુબીર યાદવ, નીના ગુપ્તા, જિતેન્દ્ર કુમાર, ચંદન રોય અને ફૈઝલ મલિક જેવા કલાકારોએ આ વેબ સિરીઝમાં ખુબ મહેનત કરી છે.
બન્ને સિઝનમાં રહ્યું સારું પ્રદર્શન
આ વાર્તા એક ગ્રામ પંચાયતમાં સચિવ બનીને એક નાનકડા ગામ 'ફુલેરા'માં આવેલા એન્જિનિયરિંગ ગ્રેજ્યુએટની છે, લોકોને આ સ્ટોરી ખૂબ ગમશે તે વાત પંચાયતના ડિરેક્ટર અને આર્ટિસ્ટે પણ નહોતી વિચારી. અભદ્રતાથી દૂર ગામની નાની નાની વાતોમાં વસી ગયેલી આ વેબ સિરિઝની બે સીઝન આવી ગઇ છે અને જેને દર્શકોનો ખુબ પ્રેમ મળ્યો છે. હવે દર્શકો તેની ત્રીજી સિઝનની રાહ જોઇ રહ્યા છે. તમને જણાવી દઈએ કે પંચાયત 3 કન્ફર્મ થઈ ગઈ છે. તો ચાલો જાણીએ તેની સાથે જોડાયેલી કેટલીક મહત્વપૂર્ણ વાતો વિશે.
પંચાયત સિઝન-3 થઇ કન્ફર્મ
પંચાયતના ડાયરેક્ટર દિપક કુમાર મિશ્રાની વાત જયારે મીડિયા સાથે થાય છે ત્યારે જણાવે છે કે સિઝન -3 જરૂર આવશે પરંતુ તેમાં હજુ સમય લાગશે. આગળ જણાવતા કહે છે કે "અત્યારે અમારી ઉપર બે સિઝનની જવાબદારી છે માટે અમારે પર્ફોમન્સ અને સ્ક્રીપ્ટ પર વધુ ધ્યાન આપવાનું છે એટલે જ બધા કામોમાં સમય તો લાગશે જ." પરંતુ પંચાયત-3 ક્યારે રીલીઝ થશે તે વિશે ડાયરેકટરે કશું જ જણાવ્યું નથી.
સિઝન-2 ના ઈમોશનલ તો સિઝન-3માં પ્રેમની થશે શરૂઆત
પહેલી સીઝન પછી જ પંચાયતના દર્શકોમાં સચિવજી અને રિંકીની લવ સ્ટોરીના રસમાં વધારો થયો હતો. સાથે જ સિઝન 2 માં બંનેની લવ સ્ટોરી સાથે જોડાયેલી વાતો બતાવવામાં આવી ન હતી, હા બંને વચ્ચે નિકટતા વધી રહી છે, તેને ચોક્કસ બતાવવામાં આવી હતી. પરંતુ, અત્યારે સવાલ એ છે કે શું સચિવજી અને રિંકી વચ્ચે પ્રેમની કેમિસ્ટ્રી બનશે? આ વાત પર પંચાયતના ડાયરેક્ટર દીપક મિશ્રાએ કહ્યું કે, "દરેક વસ્તુ પોતાનો સમય લે છે. ગામનું વાતાવરણ હોવાથી ધીમે ધીમે બધું જ આગળ વધશે. આ બધું ધીમે ધીમે થશે."
શું રિંકી અને સચિવજીના લગ્ન થશે ?
આ સવાલના જવાબમાં ડિરેક્ટર દીપક મિશ્રાએ હસીને કહ્યું કે "બધાના લગ્ન થતા જ હોય છે". ડાયરેક્ટરે આ સિઝન-3 માં રિન્કીના લગ્ન થશે કે નહીં તેની પુષ્ટિ કરી નથી. પરંતુ, તેમણે કહ્યું કે આ વસ્તુમાં પણ સમય લાગશે. અમે તેને સારી રીતે પ્રસ્તુત કરીશું."
શું નીના ગુપ્તાના પાત્રને વધુ સમય મળી શકે છે
આ સવાલ અભિનેત્રી નીના ગુપ્તાજીએ ડાયરેક્ટર દીપક મિશ્રાને પૂછ્યો હતો. આ સવાલના જવાબમાં દિપક મિશ્રા નીનાજીને કહે છે, "હા મેમ, તમારો રોલ આ સિઝનમાં વધુ ઇન્વોલ્વ હશે, ગ્રોથ કરશે અને અમે ચોક્કસપણે તમારી અપેક્ષાઓ પૂરી કરીશું."
પંચાયત હિંસા વગરની સિઝન
વાતચીત દરમિયાન દીપક મિશ્રા પંચાયતની વિશેષતાઓ વિશે વાત કરતા કહે છે, "આજે ઓટીટી પર હિંસા દર્શાવતી શ્રેણીઓ અને ફિલ્મોની ભરમાર છે. પણ પંચાયતની બાબતમાં એવું નથી. પંચાયતમાં, પ્રેક્ષકો પોતાને એક પાત્ર તરીકે જુએ છે. મને લાગે છે કે આ બધું વેબ સિરીઝની સાદગીને કારણે શક્ય બન્યું છે."
આ પાત્રમાં એક ખાસ પાત્રનો પણ રોલ જોવા મળે છે અને એ પાત્ર છે "દૂધી"