ઈન્ટરનેશનલ કન્સોર્ટીયમ ઓફ ઈન્વેસ્ટિગેટીવ જર્નાલિસ્ટસે એક વખત ફરીથી ટેક્સ ચોરીની તપાસ કરી છે. જેમાં મોટા રહસ્યનો પર્દાફાશ થયો છે. 2016માં લીક થયેલા પનામા પેપર કૌભાંડમાં મોટા-મોટા વ્યાપારીઓનું ટેક્સ ચોરીમાં નામ સામે આવ્યું હતુ.
ICIJના સમુહે ફરી એક વખત ટેક્સ ચોરીની કરી તપાસ
ટેક્સ ચોરીમાં ભારતીય દિગ્ગજો પણ સામેલ
ભારતીય દિગ્ગજ ખેલાડીનું નામ પણ સામે આવ્યું
ICIJની રિપોર્ટમાં શું મળ્યું?
હવે ફરીથી ICIJએ દાવો કર્યો છે કે ટેક્સ ચોરીમાં ભારતીય દિગ્ગજો પણ સામેલ છે. જેમાં ભારતીય દિગ્ગજ ખેલાડીનું નામ પણ સામે આવી રહ્યું છે. ઈન્ટરનેશનલ કન્સોર્ટીયમ ઓફ ઈન્વેસ્ટિગેટીવ જર્નાલિસ્ટસે પોતાના રિપોર્ટમાં દાવો કર્યો છે કે ભારતના નવા મહાનુભાવો પનામા પેપર લીક બાદ ધ્યાન રાખી રહ્યાં છે, જેનાથી તેમની ટેક્સ ચોરીનો પર્દાફાશ ના થાય. ICIJએ 1.19 કરોડ દસ્તાવેજોને તપાસ્યા હતા. જેમાંથી 117 દેશોના 600 રિપોર્ટરો જોડાયા હતા. દિગ્ગજ બેટ્સમેન સચિન તેંડુલકર પણ આ યાદીમાં સામેલ છે.
NEW: #PandoraPapers reveals the inner workings of a shadow economy that benefits the wealthy and well-connected at the expense of everyone else.
Brought to you by ICIJ and 600+ journalists, the largest collaboration in journalism history. 🧵 https://t.co/qXMuUcqPc4
ક્રિકેટના ભગવાન કહેવાતા સચિન તેંડુલકરનું નામ પણ આ તપાસમાં સામે આવ્યું છે. ICIJ મુજબ, સચિન પનામા પેપર લીક કૌભાંડના ત્રણ મહિના બાદ પોતાની બ્રિટીશ આઈલેન્ડની સંપત્તિ વેચવાના કામ અર્થે લાગ્યા હતા. રિપોર્ટમાં 60થી વધુ ભારતીયોના પુરાવા મળ્યાં છે અને તેનો ટૂંક સમયમાં ખુલાસો કરવામાં આવશે.
ભારતમાં ICIJની યાદીમાં કોણ સામેલ?
2016માં કરાયેલી તપાસમાં સામે આવ્યું હતુ કે ભારતના ઘણા સરકારી અધિકારી ત્યાં સુધી કે રમત અને સિનેમા જગતના ઘણા મોટા સ્ટાર્સ તેમાં સંડોવાયેલા હતા. ચાલુ વર્ષે જુલાઈમાં કેન્દ્ર સરકારે એક ખુલાસો કર્યો હતો કે પનામા પેપર સાથે જોડાયેલા 20,078 કરોડ રૂપિયાની ગેરકાયદેસર સંપત્તિની માહિતી મેળવી હતી.