કોરોના વાયરસ / સુરતમાં પાન-મસાલો લેવા ગયેલા વ્યક્તિનો કોરોના રિપોર્ટ પોઝિટિવ, ગલ્લાના વેપારી બની શકે સુપર સ્પ્રેડર

• પાન-મસાલા ગલ્લાના વેપારી સુપર સ્પ્રેડર બની શકે
• સુરતમાં મસાલો લેવા જનાર વ્યક્તિનો રિપોર્ટ પોઝિટિવ આવ્યો 
• કમલપાર્ક સોસાયટીમાં રહેતા યુવકનો રિપોર્ટ પોઝિટિવ આવ્યો

શાકભાજી, કરિયાણા અને પાન-મસાલાના નામે આપણે બેદરકાર બની બહાર નિકળી પડીએ છીએ. ગણતરીના કલાકની છૂટ મળતા જ લાઈનો લગાવી લઈએ છીએ. ગાયોના ધણની જેમ નિકળી પડીએ છીએ. ત્યારે સુરતના નાના વરાછામાં મસાલો લેવા જનાર એક ગ્રાહકનો કોરોના રિપોર્ટ પોઝિટિવ આવતા તંત્ર દોડતું સક્રિય થયું છે. સુરતના કમલપાર્ક સોસાયટીમાં રહેતો યુવક મસાલો લેવા ગયો હતો.

ત્યારે હવે સુરત નગરપાલિકા દ્વારા એક્શન લેવામાં આવી રહ્યા છે. પાલિકાએ 188 પાન-ગલ્લાના માલિકોને દંડ ફટકાર્યો છે. વેપારીને નિયમોનું ચુસ્ત પાલન કરવા સૂચના આપી હતી. આ નિયમોનું પાલન ન થતા દંડ ફટકારવામાં આવ્યો છે.

અમદાવાદમાં 251 અને સુરતમાં 36 નવા કેસ

છેલ્લા 24 કલાકમાં કોરોનાના અમદાવાદ 251 અને સુરત 36 કોરોનાના પોઝિટિવ કેસ આવ્યા છે. મહત્વનું છે કે, દેશમાં ટોપ 10 હોટસ્પોટમાં ગુજરાતના અમદાવાદ અને સુરત સામેલ છે.