તમારા કામનું / તમારા PAN પર કોઈ બીજાએ તો નથી લીધીને લોન? આ રીતે કરો ચેક, જાણો ફરીયાદ માટેની પ્રોસેસ

• પાનની ડિટેલ્સ સમય સમય પર કરતા રહો ચેક 
• ક્યાંક તમારા પાનથી કોઈ બીજાએ તો નથી લીધીને લોન 
• આ પ્રોસેસથી કરો ચેક

આપણે આપણા પાન કાર્ડની ડિટેલ ઘણી જગ્યા પર આપીએ છીએ. એવામાં એક આશંકા એવી બને છે કે ક્યાંક પાન કાર્ડનો દુરઉપયોગ ન થઈ રહ્યો હોય. કારણ કે પાનના આધાર પર જ લોન પ્રોસેસિંગનું કામ થાય છે. માટે એવી આશંકા વ્યાજબી છે. તેના માટે જરૂરી છે કે તમારા પાનની ડિટેલ સમય સમય પર ચેક કરતા રહો. તેને ઓનલાઈન જોઈ શકાય છે અને ખૂબ ઓછા સમયમાં રેકોર્ડ ચેક કરી શકાય છે. તેને ઓનલાઈન જોઈ શકાય છે અને ઘણા ઓછા સમયમાં રેકોર્ડ ચેક કરી શકાય છે. 

રેકોર્ડમાં કોઈ મોટી ગડબડી મળે છે તો તરત તેની ફરીયાદ ઈનકમ ટેક્સ વિભાગમાં કરી શકો છો. હકીકતે આવી એક ઘટના ચેન્નાઈમાં સામે આવી છે જ્યાં બીજા કોઈના પાન પર લોન લેવામાં આવી. તેમાં કથિત રીતે ફિનટેક કંપની ઘનીનું નામ સામે આવી રહ્યું છે. આ ઘટના બાદ વધુ જરૂરી બની ગયું છે કે આપણે પોતાના પાનની ડિટેલ સમય સમય પર ચેક કરતા રહીએ. 

ફિનટેક સ્ટાર્ટઅપ ધની વિરૂદ્ધ ટ્વિટર પર લોકોએ અભિયાન ચલાવ્યું અને ફરિયાદ કરી છે કે કંપનીએ તેમના પાન પર થર્ડ પાર્ટીને લોન આપી. લોકોની ફરીયાદ છે કે તેમને કોઈ લોન નથી મળી. પરંતુ તેમના પાન પર બીજા લોકોને લોન આપવામાં આવી. જે લોકોએ ફરીયાદ કરી છે તે કહે છે કે તેમના ક્રેડિટ રિપોર્ટમાં લોનના પૈસા જાવા મળી રહ્યા છે. લોકોએ એવી પણ ફરિયાદ કરી છે કે લોન તેમણે નથી લીદી પરંતુ પૈસા ભરવા માટે તેમની પાસે ફોન આવી રહ્યા છે. ધની ડિજિટલ હેલ્થકેયર અને ટ્રાન્ઝેક્શનલ ફાઈનાન્સ પ્લેટફોર્મ છે. ધનીએ એક રિપોર્ટમાં જણાવ્યું કે છેતરપિંડી કરનાર લોકોએ બીજા લોકોને પાન અને ક્રેડિટ બ્યૂરોથી ડિટેલ લઈને લોન લેવાનું કામ કર્યું છે. ધનીએ કહ્યું કે તે તપાસ કરી રહ્યું છે અને તેમાં દોષી મળતા લોકો વિરૂદ્ધ કાર્યવાહી કરવામાં આવશે. 

આવા કેસ ઓછા હોય છે પરંતુ તમારે પાનની ડિટેલ જરૂર ચેક કરવી જોઈએ. લોન એપ્લાય કરવા માટે બેન્કમાં જો કોઈ વ્યક્તિ કોઈ બીજાને પાન આપી રહી છે તો બેન્ક તેને રોકી શકે છે. પાન પર લખેલી જાણકારીને અન્ય કાગળની સાથે વેરીફાઈ કરવામાં આવે છે. જો કોઈ મિસ્ટેક છે તો લોન પ્રોસેસ નહીં થાય. તમારી સાથે આવું કંઈ થાય છે તો બેન્કમાં જાઓ અને લેખીત ફરિયાદ કરાવો. 

કઈ રીતે ચેક કરશો? 
પાન કાર્ડનો દુરઉપયોગ ચેક કરવા માટે તમારે સિવિલ પોર્ટલ પર જઈને સિવિલ સ્કોર અને ક્રેડિટ હિસ્ટ્રી ચેક કરવાની રહેશે. આ કામ ઓનલાઈન કરી શકો છો. આવો જાણીએ સંપૂર્ણ પ્રોસેસ 

• સૌથી પહેલા સિબિલ પોર્ટલ  https://www.cibil.com/ પર જાઓ. 
• ટોપ રાઈટ કોર્નરની નીચે ક્લિક કરો જ્યાં Get your CIBIL score લખેલું જોવા મળશે 
• કોઈ સબ્સક્રિપ્શન પ્લાનની પસંદગી કરો. 
• ડેટ ઓફ બર્થ, મોબાઈલ નંબર અને ઈમેલ એડ્રેસ નોંધો.
• લોગિન માટે એક પાસવર્ડ બનાવો. 
• આઈડી ટાઈપમાં Income Tax IDને સિલેક્ટ કરો અને પાન નોંધો. 
• Verify your identity પર ક્લિક કરો અને દરેક પ્રશ્નોના જવાબ ભરો. 
• હવે  ‘Make payment tab’ના પ્રોસેસને પુરી કરો. 
• જો એક વખત જ ચેક કરવાનું છે તો સબ્સક્રિપ્શનને છોડી દો અને પોતાના એકાઉન્ટમાં પ્રોસીડ કરો. 
• ઈમેલ અથવા ઓટીપીની મદદથી પોતાના એકાઉન્ટમાં લોગિન કરો. 
• એક ફોર્મ ખુલશે તેમાં ડિટેલ ભરો 
• સિવિબ સ્કોર જોલા માટે ફોર્મ ભરો જે તમારા ડેશબોર્ડ પર જોવા મળશે. 

કઈ રીતે કરશો ફરિયાદ? 
ઈનકમ ટેક્સ વિભાગે પાન સાથે જોડાયેલી ફરિયાદ નોંધવા માટે ઈલેક્ટ્રોનિક પોર્ટલ બનાવ્યું છે. તેના માટે આવકવેરા સંપર્ક કેન્દ્ર શરૂ કરવામાં આવ્યું છે. આ પોર્ટલ દ્વારા પાન સાથે જોડાયેલી ફરીયાદ દાખલ કરી શકો છો જે સીધી UTITSL અથવા NSDL સાથે જોડાયેલી હોય છે. એવા પોર્ટલ દ્વારા કોઈ વ્યક્તિ પોતાનું ડુપ્લિકેટ પાન સરેન્ડર કરી શકે છે. આવો જાણીએ કે પાન સાથે જોડાયેલી ફરિયાદ કઈ રીતે નોંધી શકાય. 

સ્ટેપ 1-  https://incometax.intelenetglobal.com/pan/pan.asp પર વિઝિટ કરો. 
સ્ટેપ 2- સબમિટ બટન પર ક્લિક કરો અને પોતાની ડિટેલ નોંધો. કોઈ પણ પ્રકારે ફરિયાદ કરવી છે અને રિસીપ્ટ નંબર વગેરેની જાણકારી આપવાની રહેશે.  
અંતમાં સબમિટ બટન પર ક્લિક કરો જેના બાદ તમારી ફરિયાદ નોંધી લેવામાં આવશે.