અમુક સ્ટેપને ફોલો કરીને તમે અસલી અને નકલી પાન કાર્ડની ઓળખ કરી શકો છો. તો ચાલો જાણીએ આ વિશે.
તમારૂ પાન કાર્ડ નકલી તો નથી ને?
આ સિમ્પલ સ્ટેપ્સ ફોલો કરીને મેળવો જાણકારી
ઘરે બેઠા જ મેળવી શકો છો માહિતી
આવકવેરા વિભાગ પાન કાર્ડ ઈશુ કરે છે. પાન કાર્ડનો ઉપયોગ લગભગ દરેક મહત્વપૂર્ણ નાણાકીય કાર્ય માટે થાય છે. ઘર અથવા કોઈપણ પ્રકારની પ્રોપર્ટી ખરીદવાથી લઈને બેંક એકાઉન્ટ સુધી, ઈન્કમ ટેક્સ રિટર્ન ભરવાથી લઈને બિઝનેસ શરૂ કરવા સુધી, પોલિસી ખરીદવાથી લઈને ટ્રેડિંગ સુધી, દરેક જગ્યાએ પાન કાર્ડનો ઉપયોગ થાય છે. આવી સ્થિતિમાં તેની જરૂરિયાતોને જોતા છેતરપિંડી કરનારા લોકો પણ પાન કાર્ડ નકલી બનાવે છે.
આવી સ્થિતિમાં એ જાણવું ખૂબ જ જરૂરી છે કે પાન કાર્ડ અસલી છે કે નકલી. જો તમે પણ અસલી અને નકલી PAN ને ઓળખવા માંગો છો, તો સિમ્પલ સ્ટેપ્સ ફોલો કરીને તમે તેની જાણકારી મેળવી શકો છો.
આ રીતે ઓળખો નકલી અને અસલી પાન કાર્ડ
આ માટે તમારે ઈન્કમ ટેક્સ ઈ-ફાઈલિંગ પોર્ટલ www.incometax.gov.in/iec/foportal પર ક્લિક કરવાનું રહેશે.
પછી Verify your PAN ઓપ્શન પર ક્લિક કરો.
તમારી સામે એક નવું પેજ ખુલશે જ્યાં તમારે પાન કાર્ડની તમામ વિગતો ભરવાની રહેશે.
અહીં તમારે PAN નંબર, તમારું પૂરું નામ, જન્મ તારીખ અને મોબાઈલ નંબર દાખલ કરવાનો રહેશે.
મોબાઈલ નંબર નાખતાની સાથે જ તમારા મોબાઈલ નંબર પર મેસેજ આવશે.
જો તમારા મોબાઈલ પર મળેલા મેસેજની માહિતી તમે દાખલ કરેલી વિગતો સાથે મેળ ખાતી હોય તો તમારું પાન કાર્ડ અસલી છે નહીં તો તે નકલી હોઈ શકે છે.