બેંકિંગની દુનિયામાં હવે Pan કાર્ડનો ઉપયોગ જરૂરી બની ચૂક્યો છે. આ એક એવું ડોક્યુમેન્ટ છે જેનાથી અનેક બેંકના કામ સરળતાથી થઈ જાય છે. આ સિવાય ટેક્સ ભરવા માટે પણ પાન કાર્ડ નંબરની જરૂર રહે છે. જો તમારું પાન કાર્ડ ખોવાઈ ગયું છે અથવા તો તમારી પાસે કાર્ડ છે જ નહીં તો તમે આ પ્રોસેસની મદદથી તેને ઓનલાઈન બનાવડાવી શકો છો. જો Pan કાર્ડ નહીં હોય તો તમારા અનેક કામો અટવાઈ શકે છે.
Pan કાર્ડ વિના હવે નહીં થઈ શકે આ જરૂરી કામ
ઓનલાઈન પ્રોસેસથી ઝડપથી બનાવી લો તમારું પાન કાર્ડ
જાણો કયા કામ માટે અનિવાર્ય છે પાન કાર્ડ
Pan કાર્ડ વિના નહીં થઈ શકે આ તમામ કામ
બેંકમાં ખાતુ ખોલાવવાથી લઈને એફડી કે ડીમેટ એકાઉન્ટ ખોલાવવા જરૂરી.
ભારતીય નાણાંને વિદેશી મુદ્રામાં બદલવા માટે જરૂરી.
50,000થી વધુ રકમ બેંકમાં જમા કરાવવા માટે જરૂરી.
ઈન્કમ ટેક્સ રિટર્ન ભરવા માટે જરૂરી.
વિદેશ યાત્રાની ટિકિટ બુક કરાવવા માટે જરૂરી.
બાળકોને વિદેશમાં અભ્યાસ માટે મોકલવા માટે જરૂરી.
વાહન, પ્રોપર્ટી ખરીદવા કે વેચવા માટે પાન કાર્ડ જરૂરી.
હોટલ કે રેસ્ટોરાંમાં 50,000થી વધારે ચૂકવવા માટે.
આ રીતે ઓનલાઈન પ્રોસેસથી બનાવી લો તમારું Pan કાર્ડ
અરજી કરવા માટે સૌ પહેલાં એનએસડીએલ (NSDL)ની વેબસાઈટ પર જાઓ.
https://www.onlineservices.nsdl.com/paam/endUserRegisterContact.html અહીં ક્લિક કરો.
અહીં અરજીનો પ્રકાર અને શ્રેણીને પસંદ કરો.
નામ, જન્મતારીખ, ઈમેલ અને મોબાઈલ નંબરની જાણકારી ભરો.
ત્યારબાદ ફોર્મ જમા કરો અને મોબાઈલ પર એક મેસેજ આવશે.
Continue with the PAN Application Form ના વિકલ્પ પર ક્લિક કરો.
અહીં કેવાયસી જમા કરો અને પોતાની પર્સનલ ડિટેલ્સ ભરો.
અંતમાં જરૂરી પ્રમાણપત્ર સાથે ડિટેલ્સ કન્ફર્મ કરો.
અહીં ભારતીયોએ 99 રૂપિયા અને વિદેશીઓએ 864 રૂપિયા જમા કરાવવા પડે છે.
આ પછી તમને રસીદ મળશે. તેની પ્રિન્ટ લઈને પાસપોર્ટ સાઈઝના 2 ફોટો લગાવો. અને NSDLના સરનામે મોકલી દો.