આવકવેરા વિભાગે એ કહ્યું છે કે જેમણે પોતાનું પાન કાર્ડ આધાર સાથે લિંક નથી કરાવ્યું તેઓએ આ કામ કરવામાં મોડું ન કરવું જોઈએ.
પાન કાર્ડ સૌથી વધુ જરૂરી દસ્તાવેજ છે
ઈન્કમ ટેક્સ ડિપાર્ટમેન્ટે PAN કાર્ડ વિશે આપી અપડેટ
આવકવેરા વિભાગે ટ્વીટ કરીને આપી ચેતવણી
સિમ કાર્ડથી લઈને કાર ખરીદવા સુધી તમારે એક વસ્તુની જરૂર છે અને તે છે દસ્તાવેજ. આજના સમયમાં આધાર કાર્ડ, ડ્રાઇવિંગ લાઇસન્સ, વોટર આઈડી કાર્ડ જેવા અનેક પ્રકારના દસ્તાવેજો જરૂરી છે. એ જ રીતે પરમેનન્ટ એકાઉન્ટ નંબર એટલે કે PAN કાર્ડ પણ એક મહત્વપૂર્ણ દસ્તાવેજ છે. જો તમે ઈચ્છો છો કે તમારું કોઈ પણ સરકારી કે બિનસરકારી કામ ન અટકે તો તેના માટે તમારે તમારી પાસે જરૂરી દસ્તાવેજ રાખવા જરૂરી છે. દરેક કામ માટે આધાર કાર્ડ સહિત અન્ય ઘણા પ્રકારના દસ્તાવેજોની જરૂર પડે છે. ખાસ કરીને એ દસ્તાવેજો માંથી પાન કાર્ડ સૌથી વધુ જરૂરી છે. બેંક ખાતું ખોલાવવા, CIBIL સ્કોર ચેક કરવા, લોન લેવા, PFનું કામ કરવા વગેરે માટે તમારી સાથે PAN કાર્ડ હોવું જરૂરી છે.
ઈન્કમ ટેક્સ ડિપાર્ટમેન્ટે PAN કાર્ડ વિશે આપી અપડેટ
એવામાં ઈન્કમ ટેક્સ ડિપાર્ટમેન્ટ અવારનવાર પાન કાર્ડને લઈને નવી-નવી માહિતી અપડેટ કરતું રહે છે. એક એવું અપડેટ છે, જેની સલાહ ઘણા સમયથી આપવામાં આવી રહી છે અને આવકવેરા વિભાગે ફરી એક ટ્વીટ જારી કરીને લોકોને આ અપડેટ વિશે યાદ અપાવ્યું છે. જણાવી દઈએ આવકવેરા વિભાગે એ કહ્યું છે કે જેમણે પોતાનું પાન કાર્ડ આધાર સાથે લિંક નથી કરાવ્યું તેઓએ આ કામ કરવામાં મોડું ન કરવું જોઈએ.
આવકવેરા વિભાગે ટ્વીટ કરીને આપી ચેતવણી
જણાવી દઈએ કે આવકવેરા વિભાગે એક ટ્વિટ દ્વારા કહ્યું છે કે જે પાન કાર્ડ ધારકોએ તેમના પાનને આધાર સાથે લિંક નથી કરાવ્યું તેઓએ 31 માર્ચ, 2023 સુધીમાં કરવી લેવું જોઈએ નહીં તો તમારું પાન કાર્ડ નિષ્ક્રિય થઈ જશે. ટ્વિટમાં એમને કહ્યું હતું કે, ' ઇન્કમ ટેક્સ એક્ટ 1961 મુજબ દરેક PAN કાર્ડ ધારકો એગ્જમન્ટ શ્રેણીમાં નથી આવતા તેઓએ 31-03-2023 સુધીમાં તેમના PAN ને આધાર સાથે લિંક કરી લેવું જોઈએ નહીં તો 1 એપ્રિલ, 2023 આધાર સાથે લિંક ન હોય તેવા PAN નિષ્ક્રિય થઈ જશે. '
જણાવી દઈએ કે આ ટ્વીટને નાણા મંત્રાલયે પણ રીટ્વીટ કર્યું છે.
હાલમાં પેનલ્ટી ભરીને PAN ને આધાર સાથે લિંક કરવી શકાશે
જણાવી દઈએ કે આવકવેરા વિભાગે લોકોને 31 માર્ચ, 2022 સુધીમાં PAN અને આધાર લિંક કરવા કહ્યું હતું પણ જે લોકોએ ણઆહતું કરાવ્યું એમને હવે લિંક કરાવવા માટે દંડ ચૂકવવો પડશે. નોંધનીય છે કે 1 જુલાઈ, 2022 અને માર્ચ 2023 વચ્ચે PAN અને આધારને લિંક કરવા માટે તમારે 1000 રૂપિયાનો દંડ ચૂકવવો પડશે. જો ત્યાં સુધી તમે બંનેને લિંક નહીં કરો તો આ પાન કાર્ડ અમાન્ય અથવા રદ થઈ જશે.