છેતરપિંડીથી સાવધાન! / તમને પણ આવા મેસેજ આવે તો ધ્યાન રાખજો! 5 જ મિનિટમાં અકાઉન્ટમાંથી 1.25 લાખ સાફ થઈ ગયા

• મુંબઈની મહિલા સાથે છેતરપિંડી 
• પાન કાર્ડ દ્વારા 1.25 લાખની છેતરપિંડી
• 5 જ મિનિટમાં અકાઉન્ટમાંથી રૂપિયા સાફ 

મુંબઈમાં રહેતી એક મહિલા સાથે પાન કાર્ડ દ્વારા 1 લાખ રૂપિયાની છેતરપિંડી થઈ છે. 

ત્રણ વખત મળ્યા ઓટીપી 

મહિલાને તેના મોબાઈલ ફોન પર પાન કાર્ડ અપડેટ માટે સતત 3 OTP મળ્યા હતા. SMS માં તેના બેંક ખાતાની લિંક પણ હતી. અંધેરી પોલીસ સ્ટેશનના એક પોલીસ અધિકારીએ જણાવ્યું હતું કે તેણે લિંક ખોલતાની સાથે જ તેને તેના મોબાઈલ ફોન પર વન ટાઈમ પાસવર્ડ (OTP) મળ્યો, જે તેણે SMSમાં આપેલી સૂચના મુજબ દાખલ કર્યો હતો. 

5 મિનિટમાં સવા લાખ સ્વાહા

તેણે પહેલો OTP દાખલ કરતાની સાથે જ તેને વધુ 3 OTP મળ્યા. પોલીસ અધિકારીના જણાવ્યા અનુસાર, તેણે 3 OTP દાખલ કરતાની સાથે જ તેના બેંક ખાતામાંથી 5 મિનિટમાં 3 ટ્રાન્ઝેક્શનના રૂપમાં 1.24 લાખ ઉપાડી લેવામાં આવ્યા હતા. ત્યારપછી મહિલાને તેની બેંકમાંથી તેણે આ ટ્રાન્ઝેક્શન્સ કર્યા છે કે કેમ તેની પુષ્ટિ કરતો ફોન આવ્યો હતો. પોલીસ અધિકારીએ વધુમાં કહ્યું કે, ત્યારે જ ટ્યુશન શિક્ષકને ખબર પડી કે તેની સાથે છેતરપિંડી કરવામાં આવી છે.

સાઇબર ક્રાઇમમાં પહોંચ્યો મામલો 

આ પછી મહિલાએ તરત જ પોલીસને મામલાની જાણ કરી. અધિકારીએ જણાવ્યું હતું કે, અમે તે નંબરને ટ્રેક કરી રહ્યા છીએ જ્યાંથી ફરિયાદીને SMS અને લિંક મળી છે. જ્યારે તેણે લિંક પર ક્લિક કર્યું, ત્યારે તેણે છેતરપિંડી કરનારને કેટલીક મિરરિંગ એપ્લિકેશન દ્વારા તેના ફોનની સંપૂર્ણ ઍક્સેસ આપી અને પછી તેઓએ આવો વ્યવહાર કર્યો હતો. 

તેને ઓનલાઈન બેંકિંગ ટ્રાન્ઝેક્શન પૂર્ણ કરવા માટે જરૂરી OTP પણ મળ્યો હતો અથવા છેતરપિંડી કરનારે તેને એક Google ડોક્યુમેન્ટ મોકલ્યો હતો જેણે તેમને તેના ફોનની ઍક્સેસ આપી હતી. અંધેરી પોલીસ હવે આ છેતરપિંડી કરનારાઓને પકડવા માટે સાયબર ક્રાઈમ વિભાગની મદદથી મામલાની તપાસ કરી રહી છે.