તમારા કામનું / તમારી પાસે પાનકાર્ડ નથી ? તો હવે ચિંતા કરવાની કોઈ જરૂર નથી, ઘરે બેઠા કરો અરજી અને 7 દિવસમાં તમારા ઘરે આવી જશે, જાણો કઈ રીતે

• હવે તમે ઘરે બેઠા જ કઢાવી શકશો પાન કાર્ડ 
• NSDLની સત્તાવાર સાઈટ પરથી કરી શકાશે અરજી
• અરજી બાદ 7 દિવસમાં ઘરે આવી જશે પાન કાર્ડ

શું તમારી પાસે પાન કાર્ડ નથી ? જો તમે પાન કાર્ડ માટે અરજી કરવાનું વિચારી રહ્યા છો તો અમે તમને એક સરળ રીત જણાવવા જઈ રહ્યા છીએ. તેની મદદથી તમે સરળતાથી પાન કાર્ડ બનાવી શકો છો. તમારે કંઈ કરવાની પણ જરૂર નથી, સાથે જ તમે ક્યાંય પણ ગયા વગર બનાવેલું પાન કાર્ડ મેળવી શકો છો. આવી સ્થિતિમાં તમારા મનમાં એક સવાલ થશે કે ઘરે બેસીને કેવી રીતે પાન કાર્ડ બનાવી શકાય ? તો આજે અમે તમને આ સવાલનો જવાબ આપવા જઈ રહ્યા છીએ. જી હાં તમે હવે ઘરે બેઠા જ અરજી કરીને પાન કાર્ડ બનાવી શકો છો. આ માટે નિચેની આપેલા સ્ટેપને ફોલો કરો...

આ રીતે કરો અરજી

પાન કાર્ડ મેળવવા માટે તમારે NSDLની સત્તાવાર સાઇટ પર જવું પડશે. અહીં તમે ઘણા વિકલ્પો જુઓ છો. આમાં ઓનલાઈન PAN એપ્લિકેશનનો વિકલ્પ પણ આપવામાં આવ્યો છે. અહીં તમે Continue Application અને Apply Online ના બે વિકલ્પો જોશો. આમાં તમારે Apply Online પર જવું પડશે અને આમાં એક NEW PAN નું ઓપ્શન હશે. નવું PAN કાર્ડ મેળવવા માટે તમારે તેના પર જવું પડશે. આ વિકલ્પ પર ક્લિક કરતાની સાથે જ સંપૂર્ણ ફોર્મ તમારી સામે આવી જશે. આમાં તમારે તમામ વિગતો દાખલ કરવાની રહેશે. બધી વિગતો દાખલ કર્યા પછી સબમિટ વિકલ્પ નીચે દેખાશે. 

પાન કાર્ડ માટે 105 રૂપિયાની ફી ચૂકવવી પડશે

પરંતુ ધ્યાનમાં રાખો જો તમારી પાસે પહેલાથી જ PAN કાર્ડ છે તો તમે તેના માટે ફરીથી અરજી કરી શકતા નથી. ફક્ત તે વપરાશકર્તાઓ જ આ વિકલ્પ પસંદ કરી શકે છે જેમણે ક્યારેય પાન કાર્ડ બનાવ્યું નથી. જો તમારું PAN કાર્ડ ખોવાઈ જાય છે, તો તમારે આ વિકલ્પ પસંદ કરવાનો રહેશે નહીં. PAN કાર્ડ બનાવવાની અરજી કરવા માટે 93 રૂપિયાની ફી ચૂકવવી પડશે. આ સિવાય તમારે 18% ટેક્સ ચૂકવવો પડશે. એટલે કે કુલ 105 રૂપિયાની ફી ચૂકવવી પડશે. આ ફી ભારતીય નાગરિકો માટે છે. જ્યારે વિદેશી નાગરિકોએ 864 રૂપિયા ચૂકવવા પડશે, GST સાથે તે જ ફી 1,020 રૂપિયા થઈ જશે. આ સાથે તમારે દસ્તાવેજો પણ સબમિટ કરવા પડશે જે પાન કાર્ડ બનાવવા માટે ફરજિયાત છે.