નિયમ / 31 ડિસેમ્બર સુધી આ કામ ન કર્યું તો, અમાન્ય થઈ જશે પાન કાર્ડ, આ છે પ્રોસેસ

• આધાર સાથે પાન લિંક કરાવવું છે જરૂરી
• સાતમી વખત લંબાવાઈ તારીખ
• અમાન્ય થઈ જશે પાન કાર્ડ

શક્ય છે કે સેન્ટ્રલ બોર્ડ ઓફ ડાયરેક્ટ ટેક્સ (CBDT) પાનને આધાર સાથે લિંક ન કરવાના કિસ્સામાં તેનો ઉપયોગ અમાન્ય જાહેર કરી દે. આવકવેરા વિભાગે કહ્યું છે કે, 'જો કોઈ આધારને પાન સાથે લિંક નહીં કરે તો તેના પાન કાર્ડને અમાન્ય જાહેર કરી શકાય છે. આ પછી, અમાન્ય પાન કાર્ડ હેઠળ જે પણ કાનૂની જોગવાઈ કરવામાં આવશે તેનું પાલન કરવામાં આવશે. એવું માનવામાં આવશે કે વ્યક્તિએ પાન માટે અરજી કરી નથી.

ફાઇનાન્સ બિલમાં કઈ માહિતી આપવામાં આવી છે

ફાઇનાન્સ બિલ મુજબ, ડેડલાઈન સમાપ્ત થયા પછી અનલિંક્ડ પાનને નિષ્ક્રિય માનવામાં આવશે. જોકે, એવી સંભાવના છે કે આવકવેરા વિભાગ આ પાન કાર્ડ્સને લિંક કર્યા પછી માન્ય જાહેર કરી દે. આવી સ્થિતિમાં જેથી આવી સ્થિતિથી બચવા અગાઉ જ તમારું પાન આધાર સાથે લિંક કરી દો. હાલના નિયમો અનુસાર, તમે પાનના બદલે આધાર નંબર પણ આપી શકો છો. પરંતુ, આ પછી ટેક્સ વિભાગ માની લેશે કે તમારી પાસે પાનકાર્ડ નથી અને આ આધારે તમારા માટે નવું પાન કાર્ડ ઇશ્યૂ કરી શકાય છે. આ ફક્ત ત્યારે જ થશે જ્યારે તમારો પાન અને આધાર લિંક નહીં હોય.

આ રીતે લિંક કરો આધાર અને પાન

• તમે તમારા પાન અને આધાર કાર્ડને ઇન્કમટેક્સ ઇ-ફાઇલિંગ પોર્ટલ દ્વારા અથવા એસએમએસ દ્વારા લિંક કરી શકો છો. ઇન્કમટેક્સના ઇ-ફાઇલિંગ પોર્ટલ પર લિંક આધારનો એક સેક્શન છે. અહીં તમારો પાન અને આધાર નંબર નાખો. ત્યારબાદ OTPના માધ્યમથી તમે બંનેને લિંક કરી શકો છો. 
• બીજા વિકલ્પમાં તમારે 567678 અથવા 56161 પર એસએમએસ મોકલી શકો છો. આ માટે તમારે UIDPAN<SPACE><12 અંકનો આધાર નંબર> <Space> <10 અંકનો પાન નંબર આપેલ નંબર પર મોકલવો પડશે.

લિંક કરતી વખતે આ બાબતોનું રાખો ધ્યાન

• પાન અને આધારને લિંક કરતી વખતે તમારે ધ્યાનમાં રાખવું પડશે કે બંને ડોક્યૂમેન્ટ પર તમારું નામ, લિંગ, જન્મ તારીખ બંને એક સમાન હોવી જોઈએ.
• જો ડોક્યૂમેન્ટ્સમાં થોડો પણ તફાવત હશે તો આધાર રજીસ્ટર્ડ થયેલ મોબાઇલ નંબર પર OTP મોકલવામાં આવશે.
• કેટલાક કિસ્સાઓમાં જ્યાં પાન અને આધાર પર નામ સંપૂર્ણપણે અલગ છે, તેમાં પાન અને આધારની લિંકિંગ પ્રક્રિયા ફેલ થઈ જશે. જેથી તમારે બંને ડોક્યૂમેન્ટ્સમાંથી કોઈ એકની વિગતો બદલવાની જરૂર રહેશે.