સુરતમાં નરાધમ પોલીસ કોન્સ્ટેબલનું શરમજનક કૃત્ય સામે આવ્યું છે. પલસાણા પોલીસ મથકના કોન્સ્ટેબલ નરેશ કાપડિયા સામે દુષ્કર્મની ફરિયાદ નોંધાઇ છે. મહિલા માસ્ક વિના પકડાતા કોન્સ્ટેબલે દુષ્કર્મ આચર્યું. નરાધમ કોન્સ્ટેબલે દુષ્કર્મ આચરી અને પીડિતાના અંગત ફોટો પાડ્યા. અને ફોટો વાયરલ કરવાની ધમકી આપી અને વારંવાર પીડિતા સાથે દુષ્કર્મ આચર્યું.
ત્યારે સમગ્ર મામલે બારડોલી પોલીસ સ્ટેશનમાં ફરિયાદ નોંધાઇ છે. ત્યારે સવાલ ઉઠી રહ્યા છે કે જો રક્ષક જ ભક્ષક બનશે તો લોકો ક્યાં જશે?. નરાધમ કોનસ્ટેબલ નરેશ કાપડિયાએ આવું કેટલી મહિલાઓ સાથે કર્યું હશે?. આવા પોલીસ કર્મી પર કડક કાર્યવાહી કરવી જરૂરી છે. આવા હવસખોર પોલીસકર્મી હશે તો મહિલાઓ કેવી રીતે પોલીસ પર વિશ્વાસ કરશે?. આવા કેટલાક પોલીસકર્મીઓના કારણે સમગ્ર પોલીસજગત શર્મસાર થાય છે. કોનસ્ટેબલ નરેશ કાપડિયા જેવા પોલીસ કર્મી સામે કડક કાર્યવાહી કરવી જરૂરી છે.
વર્ષ 2020માં યુવતીને માસ્ક વગર પકડી હતી
સમગ્ર ઘટના વર્ષ-2020ની છે. જ્યારે પલસાણા પોલીસ મથકમાં ફરજ બજાવનારા કોન્સ્ટેબલે 33 વર્ષની એક યુવતીને માસ્ક ન પહેરવાના બહાને રોકી હતી. અને યુવતી પાસેથી તેનો ફોન નંબર લીધો હતો. જે બાદ આ કોન્સ્ટેબલે યુવતીની સોસાયટી બહાર પહોંચી અને પોલીસ સ્ટેશન આવવું પડશે તેમ કહીં કારમાં બેસાડી લઈ ગયો હતો. અને યુવતીને કારમાં જ બેભાન કરી દુષ્કર્મ આચર્યું હતું. આ સાથે યુવતીના ફોટો પણ પાડી લીધા હતા. આ બાદ યુવતીને ફોટો દેખાડી અવાર-નવાર બ્લેક મેઈલ કરતો હતો. અને પલસાણાની એક કાઠિયાવાડી હોટલમાં પણ દુષ્કર્મ આચર્યું હતું.
ફોટો સોશિયલ મીડિયામાં વાઈરલ કરીને વારંવાર દુષ્કર્મ આચર્યા બાદ યુવતી ગર્ભવતી પણ બની હતી. જેના કારણે કોન્સ્ટેબલે યુવતીનો ગર્ભપાત પણ કરાવ્યો હતો. પહેલા યુવતીને ફોટો વાઈરલ કરવાની ધમકી આપનારા કોન્સ્ટેબલે હવે તેના પતિને મારી નાખવાની ધમકી આપવાનું શરૂ કર્યું હતું. શોષણથી પરેશાન યુવતીએ અંતમાં પલસાણા પોલીસ મથકમાં ફરિયાદ નોંધાવતા પોલીસના પગ નીચેથી જમીન સરકી ગઈ હતી.