અમેરિકાના રાષ્ટ્રપતિ પદેથી ઉતરી ગયા પછી પણ ડોનાલ્ડ ટ્રમ્પની મુશ્કેલીઓ હજુ ખતમ થવાનું નામ લઇ રહી નથી.
અમેરિકાના પૂર્વ પ્રમુખ ટ્રમ્પની મુશ્કેલીઓ વધી
ખાલી કરવું પડી શકે છે પોતાનું આલિશાન નિવાસસ્થાન
મહાભિયોગ ચલાવવાની પર થઈ રહી છે વિચારણા
વ્હાઇટ હાઉસને છોડી દીધા પછી અમેરિકાના પૂર્વ પ્રમુખ ડોનાલ્ડ ટ્રમ્પે હાલમાં ફ્લોરિડાના પોતાના એક રિસોર્ટને પોતાનું ઘર બનાવી દીધું છે, મળતી માહિતી પ્રમાણે ફ્લોરિડાના પામ બીચ પર સ્થિત માર-આ-લાગો રિસોર્ટને ટ્રમ્પે પોતાનું નિવાસ સ્થાન બનાવ્યું છે.
ટ્રમ્પ પર મહાભિયોગની થઈ રહી છે વિચારણા
જ્યાં એકબાજુ હોદ્દા પરથી દૂર થઇ ગયા છતાં પણ ટ્રમ્પની સામે મહાભિયોગની કાર્યવાહી ચલાવવાને લઈને વિચારણા કરાઈ રહી છે, ત્યારે હવે એક એવી જાણકારી સામે આવી રહી છે કે ટ્રમ્પને હાલમાં પોતે જ્યાં રહે છે તે રિસોર્ટને પણ ખાલી કરવું પડી શકે છે.
જાણકારી પ્રમાણે ટ્રમ્પના પાડોશીઓએ તેમની ફરિયાદ કરી છે કે તેમણે કરારનો ભંગ કર્યો છે. માહિતી પ્રમાણે ટ્રમ્પનો હાલ જ્યાં રિસોર્ટ છે ત્યાં પહેલા એક ઐતિહાસિક ઇમારત હતી અને ટ્રમ્પે તેને ઘણા વર્ષો પહેલા ખરીદી લીધી હતી. આ દરમિયાન અમેરિકાના પૂર્વ પ્રમુખે એક કરાર કર્યો હતો જેના પ્રમાણે આ રિસોર્ટમાં કમર્શિયલ ઉપયોગ દરમિયાન કોઈ પણ વ્યક્તિ એકવારમાં સાતથી વધુ દિવસો સુધી અહીં નિવાસ કરી શકતો નથી, અને વર્ષમાં માત્ર ત્રણ જ વાર સાત - સાત દિવસ સુધી તે વ્યક્તિ રહી શકે છે.
અધિકારીઓ કરી રહ્યા છે રિવ્યુ
જો કે ટ્રમ્પના પુત્ર એરિક ટ્રમ્પે કહ્યું હતું કે તેના પિતાને અધિકાર છે કે તે રિસોર્ટમાં જ્યાં સુધી રહેવા માંગે રહી શકે છે, મહત્વનું છે કે અમેરિકન અખબાર ડેઈલી મેલમાં છપાયેલી એક રિપોર્ટ પ્રમાણે પામ બીચના એટોર્ની અને અન્ય અધિકારીઓ આ બાબતે જૂના કરારની સમીક્ષા કરી રહ્યા છે.
ટ્રમ્પના પાડોશીઓની ફરિયાદના આધારે ટાઉન મેનેજર કિર્ક બ્લોઈને કહ્યું હતું કે અધિકારીઓ આ મામલે સમીક્ષા કરી રહયા છ, અને આ મામલે ટાઉન કાઉન્સિલની મીટીંગમાં ચર્ચા થઇ શકે છે, જો એવું જણાશે કે ટ્રમ્પે આ મામલે કરારનું પાલન નથી કર્યું તો આ રિસોર્ટનુ કમર્શિયલ લાયસન્સ રદ થઇ શકે છે. મહત્વનું છે કે આ રિસોર્ટ એક ઐતિહાસિક સ્થળ છે જેનું નિર્માણ 1927માં થયું હતું. કરાર પ્રમાણે 20 જાન્યુઆરીના અહીં આવ્યા બાદ ટ્રમ્પને આ બુધવારે અહીં 7 દિવસ પૂરા થઇ ગયા છે.