વાયરલ / VIDEO : સાળીના લગ્નમાં નાચતાં નાચતાં જિજાને આવ્યો હાર્ટએટેક, પળવારમાં ઉડ્યું પ્રાણપંખેરુ

• રાજસ્થાનના પાલીમાં લગ્નપ્રસંગ માતમમાં ફેરવાયો
• સાળીના લગ્નમાં નાચી રહ્યો હતો શખ્સ
• અચાનક આવ્યો હાર્ટએટેક
• ચક્કર ખાઈને સ્ટેજ પર ઢળી પડ્યો, થયું મોત

રાજસ્થાનના પાલીમાં લગ્નની રાતે એક પરિવારની ખુશી પળવારમાં શોકમાં ફેરવાઈ ગઈ, જ્યાં નાચતા-નાચતા એક વ્યક્તિના અચાનક મોતના કારણે ત્યાં સન્નાટો છવાઈ ગયો. જાણકારી અનુસાર પાલીમાં સાળીના લગ્નમાં સ્ટેજ પર ડાન્સ કરતી વખતે અચાનક જ બનેવી નીચે પડી ગયા અને લોકો સમજી શક્યા કે શું થયું ત્યાં સુધી તેમનું મોત થઈ ગયું. આ સમગ્ર ઘટના શુક્રવારે રાત્રે પાલી શહેરની મહાત્મા ગાંધી કોલોનીમાં બની હતી જ્યાં ડાન્સ કરતી વખતે આ વ્યક્તિનો પડી જવાનો વીડિયો પણ સોશિયલ મીડિયા પર વાયરલ થઈ રહ્યો છે. હકીકતમાં પાલીના રાણાવાસ સ્ટેશનનો રહેવાસી 42 વર્ષીય અબ્દુલ સલીમ પઠાણ એક સરકારી સ્કૂલમાં ફિઝિકલ ટ્રેનિંગ ઇન્સ્ટ્રક્ટર હતો, જે તેની પત્ની અને બે બાળકો સાથે સાસરીમાં ભૈરુઘાટ પિંજારોં કા બસ આવ્યો હતો જ્યાં તેની સાળીના શનિવારે લગ્ન થવાના હતા. 

#Rajasthan#Dance#death
साली की शादी में नाचते हुए जीजा की स्टेज पर गिरकर मौत... pic.twitter.com/kixpBnNb3w

— Sweta Gupta (@swetaguptag) November 13, 2022

ડાન્સ કરતી વખતે આવ્યો હાર્ટએટેક 
લગ્નના એક દિવસ પહેલા સંગીતની રાત્રે અબ્દુલ સ્ટેજ પર ડાન્સ કરી રહ્યો હતો પરંતુ ડાન્સ કરતી વખતે અચાનક પડી ગયો અને થોડી જ ક્ષણોમાં તેનું મોત થઇ ગયું. જણાવવામાં આવી રહ્યું છે કે ડાન્સ કરતી વખતે તેમને હાર્ટ એટેક આવ્યો હતો, ત્યારબાદ તેમનું ઘટના સ્થળે જ મોત થઇ ગયું હતું. 

ઘરમાં શોક 
અબ્દુલ સલીમ પઠાણ એક સરકારી શાળામાં પીટીઆઈ (ફિઝિકલ ટ્રેનિંગ ઈન્સ્ટ્રક્ટર) હતો, જે પોતાની સાળીના લગ્નમાં ડાન્સ કરી રહ્યો હતો. સાથે જ અબ્દુલ ડાન્સ કરી રહ્યો હતો ત્યારે બાકીના ઘરના સભ્યો પણ તેની સાથે સ્ટેજ પર ડાન્સ કરી રહ્યા હતા અને આસપાસ ખુશીનો માહોલ જોવા મળ્યો હતો. આ દરમિયાન અબ્દુલ અચાનક સંબંધીઓ સાથે ડાન્સ કરતા સમયે પડી ગયો આથી હાજર રહેલા ડાન્સ બંધ કરીને તાત્કાલિક તેને બચાવવા દોડ્યાં. લોકોએ જેમ તેમ કરીને તેને ભાનમાં લાવવાનો પ્રયાસ કર્યો હતો પરંતુ લાંબા સમય સુધી તેના શરીરમાં કોઈ હલચલ જોવા મળી ન હતી. આ પછી તરત જ તેને તાત્કાલિક હૉસ્પિટલમાં લઈ જવામાં આવ્યો હતો જ્યાં ડૉક્ટરોએ તેને મૃત જાહેર કર્યો હતો. 

બાડમેરમાં પણ છાપું વાંચતા વ્યક્તિને આવ્યો હાર્ટએટેક, મોત 
તાજેતરમાં બાડમેરથી આવો જ એક કિસ્સો સામે આવ્યો હતો જ્યાં એક વ્યક્તિ અખબાર વાંચતી વખતે અચાનક નીચે પડી ગયો હતો અને તેનું મોત નીપજ્યું હતું.