પાલનપુર: ખેડૂત આસિકભાઈએ 2 વર્ષની મહેનત બાદ બનાવ્યું છાણીયું ખાતર ફેદવાનુ મશીન

પાલનપુર તાલુકાના કાણોદર ગામના ખેડૂતે સરળ ખેતી માટે નવી ટેક્નોલોજીની શોધ કરી ભારતનું પ્રથમ ખેતી લાયક મશીન તૈયાર કર્યું છે. 8 પાસ ખેડૂતે 2 વર્ષ  મહેનત કરી આં મશીન તૈયાર કર્યું છે.જેનો ખેડૂતોને મોટો ફાયદો થઈ રહ્યો છે.

ધોરણ 8 પાસ થયેલા આસિફભાઈ ગનીને ખેતીક્ષેત્રે ટેકનોલોજી માટે સાધનો તૈયાર કરવા માટે હંમેશા મહેનત કરી રહ્યા છે. આજ થી 15 વર્ષ પહેલાં આસિકભાઈ ગનીએ જે બોર પાણી વગર ફેઇલ થઈ જાય તેમાંથી રહેલી પાઇપો ખેડૂતો નીકાળી શકતા નહોતા ત્યારે ગનીભાઇએ તે પાઇપો નીકળવાનું મશીન બનાવ્યું હતું.

જેનાથી ખેડૂતોને મોટો ફાયદો થઈ રહ્યો છે. જ્યારે ખેડૂતોને વર્ષમાં બે-થી ત્રણ વાર ખેતરમાં છાણીયુ ખાતર નાખવું પડતું હોય છે. ત્યારે આ ખાતર નાખવા માટે મજૂરો લાવવા પડે છે જે સીઝનમાં મળતા નથી.

ત્યારે વર્ષોથી ખેડૂતો માટે આ સમસ્યાથી પરેશાન હતા. ત્યારે કાણોદરના ખેડૂત એવા આસિકભાઈ ગનીએ 2 વર્ષની સખત મહેનત બાદ તેમને છાણીયા ખાતર ફેદવાનુ રિમોર્ટ ચાલનું ટ્રોલી સાથેનું અદ્યતન ટેકનોલોજી સાથેનું મશીન તૈયાર કર્યું છે.

ખાતર પૈસા લેબર અને સમયનો બચાવ કરતા છાણીયા ખાતર ફેદવાનુ મશીન એક વિઘા જમીનમાં માત્ર 12 જ મિનિટમાં કામ પૂરું કરી દે છે. 

ઓટોમેટિક સિસ્ટમથી કામ કરતા ખાતર ફેદવાના મશીનમાં માત્ર એક'જ ટ્રેકટર ચાલકની જરૂર પડે છે. હાલમાં કાણોદરના આસપાસના ખેડૂતો આ અદ્યતન ટેકનોલોજી સાથેના છાણીયા ખાતર ફેદવાના મશીનનો ઉપયોગ કરી રહ્યા છે.

ખેડૂતોએ જણાવ્યું હતું કે વડાપ્રધાન ખેડૂતોની આવક બમણી કરવાની વાતો કરી રહ્યા છે ત્યારે. આ મશીન માં સરકારી સહાય મળે તો ખેડૂતો ને મોટો ફાયદો થઈ શકે તેમ છે.