ન્યાય / ગુજરાતનો પ્રથમ કિસ્સો: એક દીકરીની માતાને તલાક...તલાક...તલાક... કહીને તરછોડી દીધી, કોર્ટે સંભળાવી દીધી સજા

• બનાસકાંઠામાં ટ્રિપલ તલાક આપનાર અધિકારીને કેદ
• સિંચાઇ વિભાગનાં અધિકારી સરફરાઝ બિહારીને સજા
• પાલનપુર કોર્ટે આરોપીને એક વર્ષની કેદ ફટકારી

ગુજરાતમાં એવો પ્રથમ ઘટના બની છે જ્યારે કોઈ કોર્ટે ટ્રિપલ તલાક કેસમાં સજા ફટકારી હોય. બનાસકાંઠાની પાલનપુર કોર્ટે  ટ્રિપલ તલાક આપનારા પતિને કોર્ટે કડક સજા ફટકારી છે. 
આરોપી સરફરાજખાન બિહારી વર્ગ 2નો સિંચાઇ વિભાગનો અધિકારી છે. તેણે સાથે કામ કરતી યુવતી સાથે પ્રેમ સંબંધ બંધાયો હતો જે બાદ તેણે પત્નીને ત્રણ વખત તલાક તલાક તલાક કહી કાઢી મૂકી હતી. સમગ્ર મામલો કોર્ટમાં જતા પાલનપુર કોર્ટે આરોપી સરફરાજખાનને એક વર્ષની કેદની સજા સાથે રૂપિયા 5 હજારનો દંડ પણ આરોપીને ફટકારવામાં આવ્યો છે. 

શું છે સમગ્ર મામલો?
આ કેસની મળતી માહિતી મુજબ વડગામની યુવતીના લગ્ન હેબતપુરના વતની સરફરાજખાન સાથે થયા હતા.  ઘર સંસારમાં સારી રીતે ચાલ્યા બાદ એક દીકરીની માતાને તરછોડી 3 વખત તલાક કહી, ઓફિસમાં કામ કરતી હિન્દુ યુવતી સાથે સિંચાઇ વિભાગનો અધિકારી સરફરાજખાને લગ્ન કર્યા હતા. પરિવારની દખલગીરી બાદ યુવતી સાથે સંબંધ નહીં રાખે તેવા સમાધાન બાદ મામલો થાળે પડ્યો હતો. 

પીડિતાએ પાલનપુરમાં ટ્રિપલ તલાકના કાયદા હેઠળ નોંધાવી હતી
જે બાદ પણ સરફરાજખાને યુવતી સાથે સબંધ બનાવી રાખ્યા હતા. પહેલી પત્નીને માર મારી ઘરમાંથી કાઢી મૂકી હતી. જે બાદ પ્રેમી યુવતીને  એક દીકરાનો જન્મ થયો હતો. પીડિતાએ પાલનપુરમાં ટ્રિપલ તલાકના કાયદા હેઠળ નોંધાવી હતી. જેની સુનાવણીમાં પાલનપુર કોર્ટે આરોપીને એક વર્ષની કેદ ફટકારી છે. જી એડિશનલ કોર્ટમાં ચાલી જતા જજ જી.એસ દરજીએ તમામ બાબતો અને સરકારી વકીલની દલીલોને ધ્યાને લેતા અને કેશની ગંભીરતા જોતા આરોપી સરફરાઝ ખાન બિહારીને એક વર્ષની સજા ફટકારી છે. પાલનપુરની 2જી એડિશનલ કોર્ટમાં  જજ જી.એસ દરજીએ સમગ્ર મામલે કડક વલણ અપનાવી સરકારી વકીલની રજૂઆતો અને પીડિતાને ધ્યાને રાખી ટ્રિપલ તલાક એક્ટ મુજબ  સજા ફટકારતા કોર્ટમાં સન્નાટો વ્યાપી ગયો હતો