જો તમે રોજ એક જ નાસ્તાથી કંટાળ્યા છો તો તમે કંટાળાને દૂર કરવા ફક્ત 15 મિનિટમાં પાલકની પૂરી બનાવી શકો છો. અલગ ટેસ્ટ સાથે હેલ્થ માટે પણ બેસ્ટ રહેશે.
ઘરે બનાવી લો પાલક પૂરી
ફક્ત 15 મિનિટમાં તૈયાર થશે બ્રેકફાસ્ટ
આયર્નથી ભરપૂર પૂરી હેલ્થની પણ કરશે કેર
રોજ એકસરખા નાસ્તાથી કંટાળ્યા છો તો તમે રસોઈમાં થોડો ટ્વિસ્ટ લાવો તે જરૂરી છે. તમે બ્રેકફાસ્ટમાં હેલ્ધી અને આયર્નથી ભરપૂર એવી ચટપટી પાલક પૂરી ટ્રાય કરી શકો છો. તે બનાવવામાં સરળ છે.
સામગ્રી
2 કપ ઘઉંનો લોટ
પાણી જરૂર પ્રમાણે
2 ટેબલ સ્પૂન ઘી મોણ માટે
સ્વાદ અનુસાર મીઠું
તળવા માટેતિરુપતિ સિંગતેલ
પાલકની પેસ્ટ
1 ચમચી આદુ મરચાની પેસ્ટ
રીત
પાલક પૂરી બનાવવા માટે પહેલા પાલકને ધોઈને સારી રીતે સાફ કરી લો. હવે તેને એક થાળીમાં લો અને લોટ સાથે મિક્સ કરો. તેમાં ઘી અને મીઠું ઉમેરીને હલાવો. આ સાથે તમે આદુ મરચાની પેસ્ટ ઈચ્છો તો તેને પણ ઉમેરી લો. હવે પૂરીનો લોટ બાંધી લો. જરૂર લાગે તો પાણી ઉમેરો. હવે આ લોટની મદદથી નાની નાની પૂરીઓ તૈયાર કરો. એક કઢાઈમાં તિરુપતિ સિંગતેલ ગરમ કરો અને તેમાં આ તૈયાર પૂરીઓને ગોળ દડા જેવી તિરુપતિ સિંગતેલમાં તળી લો. તેને ઝારાથી થોડી દબાવો જેથી તે વધારે ફૂલશે. દડા જેવી ગરમાગરમ પૂરીઓ નાસ્તા માટે બેસ્ટ રહે છે. તે હેલ્થ માટે પણ સારી માનવામાં આવે છે. ગોલ્ડન બ્રાઉન થાય એટલે તેને કાઢી લો અને ગરમાગરમ પીરસો. બાળકોના નાસ્તા માટે પણ આ પરફેક્ટ ઓપ્શન છે.
પાલકની ગરમા ગરમ પૂરીને તમે બટાકાની ભાજી, રાયતા, દહીં કે પછી અથાણા સાથે પણ સરળતાથી ખાઈ શકો છો. આ પૂરી ઠંડી થઈ જાય તો પણ તમે તેનો સ્વાદ માણી શકો છો.