હવાઈ હુમલા / ઈઝરાયલને બચાવવા અમેરિકાએ ભર્યું આ મોટું પગલું, જુઓ સામે પક્ષે પાકિસ્તાને શું કર્યું

• અમેરિકાએ વીટો વાપર્યો
• ઈઝરાયલ સામે સંયુક્ત નિવેદન જારી થતા અટકાવ્યું
• ત્રીજી વાર અમેરિકાએ ઈઝરાઈલને સમર્થન આપ્યું 
• પાકિસ્તા-ચીન પેલેસ્ટાઈનના પક્ષમાં 

પેલેસ્ટાઈન પરના ઈઝરાઈલી હુમલાની વિરૃદ્ધમાં સંયુક્ત રાષ્ટ્રસંઘમાં નિવેદન પસાર થવાનું હતું પરંતુ અમેરિકાએ વીટો વાપરીને તેને અટકાવી દીધું છે. ઈઝરાયલને સીધું સમર્થન આપીને અમેરિકાએ આડકતરી રીતે પેલેસ્ટાઈન પરના તેના હુમલા પર પણ આંખ આડા કાન કર્યાં છે. 

Pakistan thanks Turkey for standing with us in the #FATF and appreciate Turkey’s re-energizing of the Afghan peace process.
We look forward to the early convening of the Istanbul Conference on Afghanistan. https://t.co/Y6zkF4LTvg

— Shah Mahmood Qureshi (@SMQureshiPTI) May 18, 2021

પેલેસ્ટાઈનને બચાવવા પાકિસ્તાન-ચીન મેદાને 

તો સામે પક્ષે પાકિસ્તાને પણ પેલેસ્ટાઈનને બચાવવા મુહિમ શરુ કરી દીધી છે. પાકિસ્તાનના વિદેશ મંત્રી શાહ મહમૂદ કુરેશીએ પેલેસ્ટાઈનના પક્ષમાં દેશોને એકજૂટ કરવાનું શરુ કરી દીધું છે. કુરેશી આ માટે તુર્કી પહોંચીને રાષ્ટ્રપતિ રેચેપ તૈય્યપ એર્દોગાન સાથે મુલાકાત કરી અને ઈઝરાયલની સામે દેશોને એકજૂટ કરવામાં પકિસ્તાનને સાથ આપવાની અપીલ કરી. તો બીજી તરફ ચીન પણ પેલેસ્ટાઈનના પક્ષમાં છે. ચીને સંયુક્ત નિવેદન જારી થાય તે માટે ઘણા પ્રયાસો કર્યાં હતા. પરંતુ અમેરિકાએ રાહમાં રોડા નાખ્યાં છે. 

Today in Parliament proud to present a resolution, unanimously adopted, in support of #Palestine, condemning Israeli’s unconscionable brutality & reaffirming 🇵🇰 support for a two-state solution, as enshrined in the relevant Security Council and General Assembly Resolutions. pic.twitter.com/8IQeCChvr7

— Shah Mahmood Qureshi (@SMQureshiPTI) May 17, 2021

યુએનમા સંયુક્ત નિવેદન જારી ન થવું દુર્ભાગ્યપૂર્ણ 

એક ઈન્ટરવ્યૂમાં કુરેશીએ જણાવ્યું કે પેલેસ્ટાઈન અંગે યુએન સુરક્ષા પરિષદમાં કોઈ સહમતી બની નથી. આ ઘણી દુર્ભાગ્યપૂર્ણ વાત છે. સુરક્ષા પરિષદમાં અમેરિકાએ વીટો વાપરીને ઈઝરાયલ સામેની ટીકા અંગેના નિવેદનને બહાર પાડતા અટકાવી દીધું છે. 

વીટો પાવર પર જન સમર્થન ભારે પડશે-પાક.વિદેશ મંત્રી

પાક.વિદેશ  મંત્રી કુરેશીએ જણાવ્યું કે વીટો પાવરને કારણે કોઈ સંયુક્ત નિવેદન જારી થઈ શક્યું નથી. તેમણે કહ્યું કે સંયુક્ત રાષ્ટ્રના પાંચ સભ્ય દેશો પાસે વીટો પાવર છે તે વાત સાચી પરંતુ લોક સમર્થન તેની પર ભારે પડશે. લોકશક્તિ સૌથી મોટી શક્તિ છે. હું કહી રહ્યો છું કે લોકો માનવાધિકાર પર ભરોસો કરે છે.