બુધવારના રોજ પાકિસ્તાનનું એક ડ્રોન પંજાબના તરણતારણના ખેમકરણ સેકટરમાં ઘૂસી ગયેલું જોવા મળ્યું. જેના પર ભારતીય જવાનોએ ફાયરિંગ કર્યું. જવાનોના આ જવાબી હુમલા વચ્ચે આસપાસના વિસ્તારોમાં બ્લેક આઉટ કરવામાં આવ્યું.
દરેક મોરચા પર ભારત સામે પરાજયનો સ્વાદ ચાખવા છતા પાકિસ્તાન પોતાની નાપાક હરકતોને છોડી નથી રહ્યું. બુધવારના રોજ પાકિસ્તાનનું એક ડ્રોન પંજાબના તરણતારણના ખેમકરણ સેકટરમાં ઘૂસી ગયેલું જોવા મળ્યું. જેના પર ભારતીય જવાનોએ ફાયરિંગ કર્યું. જવાનોના આ જવાબી હુમલા વચ્ચે આસપાસના વિસ્તારોમાં બ્લેક આઉટ કરવામાં આવ્યું.
ભારતીય જવાન પાકિસ્તાનના આ ડ્રોનનો સામનો કરવાનો પ્રયત્ન કરી રહ્યાં છે જેના કારણે ખેમકરણ સેકટરના આસાપાસના વિસ્તારમાં ઇન્ટરનેટ સેવા બંધ કરી દેવામાં આવી છે. જો કે હજુ સુધી આ ડ્રોનને તોડી પાડવા અંગેની પુષ્ટી કરવામાં આવી નથી, જેના કારણે જવાન હજી પણ એલર્ટ છે.
ઉલ્લેખનીય છે કે હાલના સમયમાં આ પહેલી વાર નથી થયું કે જ્યારે પાકિસ્તાનનું ડ્રોન ભારતીય સરહદમાં ઘુસી આવ્યું હોય. જો કે જ્યારે પણ પાકિસ્તાનનું ડ્રોન ભારતમાં ઘૂસી ગયું છે ત્યારે તેને તોડી પડાયું છે. તેમ છતાં પાકિસ્તાન વારંવાર પોતાની નાપાક હરકતોને છોડતું નથી.
જમ્મૂ-કાશ્મીરના પુલવામામા 14 ફેબ્રુઆરીના રોજ થયેલા આતંકી હુમલા બાદ ભારતઅને પાકિસ્તાન વચ્ચે સંબંધોમાં કડવાશ આવી ગઇ છે. આ વચ્ચે પાકિસ્તાન સરહદ પર સતત સીઝફાયરનું ઉલ્લંઘન કરી રહ્યું છે. પંજાબના તરનતારણના ખેમકરણ સેક્ટરમાં ફરી એક વાર પાકિસ્તાની ડ્રોન જોવા મળ્યું. પાકિસ્તાની ડ્રોન જોવા મળતાં ભારતીય જવાનોએ ડ્રોન પર ફાયરિંગ પણ કર્યું. જોકે, આ ડ્રોનને તોડી પડાયુ છે કે નહીં તે વાતને હજુ સુધી કોઇ સત્તાવાર સમર્થન મળ્યુ નથી.