નુકસાન / અમેરિકાના પ્રવાસથી પરત ફરતા જ ઇમરાન ખાનને લાગ્યો મોટો ઝાટકો

પાકિસ્તાનમાં ઈમરાન ખાનના અમેરિકાના પ્રવાસની ચર્ચા હજી શાંત પડી નથી. ત્યાં જ વર્લ્ડ બેંકે પાકિસ્તાનને જોરદાર ઝાટકો આપ્યો છે. વર્લ્ડબેંકના ડ્રાફ્ટ રિપોર્ટમાં આર્થિક જોગવાઈ તમામ 31 માપદંડો પર પાકિસ્તાનનું રેકિંગ વધારે ગગડ્યું છે. વર્લ્ડ બેંકના મુલ્યાંકનમાં પાકિસ્તાન સરકારના બજેટે પોતાની વિશ્વસનિયતા ગુમાવી દીધી છે અને તેના નાણાકીય પ્લાનિંગને સંપૂર્ણ રીતે નિષ્ફળ ગણાવ્યું છે. 

ઉલ્લેખનીય છે કે, વર્લ્ડ બેંકે જૂન મહિનામાં પાકિસ્તાનના નાણામંત્રાલ સાથે સાર્વજનિક વ્યય અને આર્થિક જવાબદારી દ્વારા તૈયાર ફાઈનલ ડ્રાફ્ટ જાહેર કર્યો છે. આ અહેવાલમાં નાણકીય વર્ષ 2015-16થી લઈને 2017-18 દરમિયાન પાકિસ્તાનના બજેટ અને આર્થિક જોગવાઈનું મૂલ્યાંકન કરવામાં આવ્યું છે. પાકિસ્તાનના નાણાંમંત્રાલયનું પ્રદર્શન ખુબ જ ખરાબ રહ્યું છે. મંત્રાલાય પોતાનું કામ કરવામાં નિષ્ફળ રહ્યું છે અને આર્થિક નિયમોનું ગંભીર ઉલ્લંઘન કર્યું છે. 

આપને જણાવી દઇએ કે, આ ડ્રાફ્ટ પ્રમાણે પાકિસ્તાના આર્થિક અનુશાસનની ઉણપ, ખુબ જ ઓછા ટેક્સ રિઝર્વ, અત્યંત ખરાવ રાજસ્વ અને પારદર્શિયાની ખામીના કારણે બજેટની વિશ્વસનિયતા પર સૌથી વિપરીત અસર પડી છે જેના કારણે તેને D ગ્રેડ મળ્યો છે. આ ઉપરાંત પાકિસ્તાનમાં પ્રભાવી કેસ મેનેજમેંટ સિસ્ટમ વિકસીત જ નથી કરાઈ.

જેના કારણે સરકારી સંસ્થાઓ લોકોના પૈસા ખાનગી કોમર્શિયલ બેંકોમાં મોકલવાની મંજૂરી આપે છે. 2017ના અંતે ખાનગી બેંકોના 4 લાખ 50 હજાર ખાતામાં 2.3 ટ્રિલિયન રૂપિયા જમા કરવામાં આવ્યા અને આ પૈસાનું ઓડિટ જ કરી શકાયુ નહોતુ. હાલ પાકિસ્તાનને એક બાદ એક ઝટકો મળતા હાલત વધારે કંગાળ બની છે.