ગુરુવારે માન્ચેસ્ટરમાં વેસ્ટ ઇન્ડિઝ વિરુદ્ઘ હાર્દિક પંડ્યાના શાનદાર ફોર્મથી ટીમ ઇન્ડિયાની મદદ મળી. પહેલા બેટિંગ કરતા તેણે 38 બૉલમાં 46 રન કર્યા, જે પછી કેરેબિયાઇ બેટ્સમેન સુનીલ એમ્બ્રિસની વિકેટ પણ ઝડપી.
પાકિસ્તાનના પૂર્વ ઑલરાઉન્ડર અબ્દુલ રઝાક પંડ્યાના ફોર્મથી વધારે પ્રભાવિત નથી, તેમણે પંડ્યાની રમતનો ઘણી ખોટ દેખાઇ. 39 વર્ષના રઝાકનો સોશ્યલ મીડિયા એક વીડિયો વાયરલ થઇ રહ્યો છે જેમાં તેઓ કહી રહ્યા છે કે, ''હું 2 અઠવાડિયામાં હાર્દિક પંડ્યાને દુનિયાનો સર્વશ્રેષ્ઠ ઑલરાઉન્ડર બનાવી શકુ છું.''
દિગ્ગજ ક્રિકેટરે આગળ કહ્યુ કે, ''આજે મેં હાર્દિકને નજીકથી રમતા જોયો. શોટ મારતી વખતે મને તેના શારિરીક સંતુલનમાં ઘણી ખામીઓ જોવા મળી હતી. મેં તેમનું ફુટવર્ક પણ જોયું અને લાગે છે કે આવું કરવું પણ તેને ઘણી વખતે પાછળ ધકેલે છે.''
આ સિવાય તેમ પણ કહ્યુ કે, ''જો હું તેને સંયુક્ત અરબ અમીરાતમાં કોચિંગ આપી શકું, તો હું તેને સૌથી શ્રેષ્ઠ ઓલરાઉન્ડર બનાવી દઈશ. જો BCCI તેને શ્રેષ્ઠ ઓલરાઉન્ડર બનાવવા ઈચ્છે તો હું હંમેશા તેના માટે હાજર રહીશ.''
પાકિસ્તાનની તરફથી રમતા અબ્દુલ રઝાકે પોતાના ઇન્ટરનેશનલ કરિયર દમરિયાન 46 ટેસ્ટ મેચમાં 1946 રન કર્યાઅને 100 વિકેટ પોતાના નામે લીધી. આ સાથે જ 265 ઇન્ટરનેશનલ વનડેમાં 5080 રન કર્યા આ સિવાય રાઇટ આર્મ ફાસ્ટ મીડિયમ બૉલિગથી 269 વિકેટ લીધી.