પાકિસ્તાની ખેલાડીએ 55 સેકન્ડમાં ભારતીય પહેલવાનને હરાવીને જે માન-સન્માન પ્રાપ્ત કર્યુ હતુ, તે હવે લૂંટાઈ ગયુ છે. વિશ્વભરમાં તેની ઈજ્જતના ધજાગરા ઉડી ગયા છે.
પાકિસ્તાની ખેલાડીએ 55 સેકન્ડમાં ન્યુઝીલેન્ડના કુસ્તીબાજને હરાવ્યો હતો
કુસ્તીબાજે તેના પ્રદર્શનને વધારવા માટે પ્રતિબંધિત ડ્રગ્સનો કર્યો હતો ઉપયોગ
પાકિસ્તાનને તેના જ ખેલાડીએ બેઈજ્જત કર્યુ
પાકિસ્તાનને એક વખત ફરીથી તેના પોતાના ખેલાડીએ જ બેઈજ્જત કર્યુ છે. 55 સેકન્ડમાં મેડલ જીત્યાના તેના દાવાની પોલ ખુલી ગઇ છે. ખરેખર ગયા મહિને કોમનવેલ્થ ગેમ્સ 2022માં પાકિસ્તાનને 2 ગોલ્ડ, 3 સિલ્વર અને 3 બ્રોન્ઝ સહિત કુલ 8 મેડલ જીત્યા હતા. જેણે સૌથી વધુ પાંચ મેડલ કુસ્તીમાં જીત્યા. પાકિસ્તાને તેના કુસ્તીબાજોના ખૂબ વખાણ કર્યા હતા. તેના ચાહકો તેને દેશનુ ગૌરવ જણાવી રહ્યાં હતા. પરંતુ 1 મહિના બાદ જ પાકિસ્તાનને પોતાના એ જ ગૌરવને કારણે વિશ્વભરમાં શર્મસાર થવુ પડ્યુ હતુ. પાકિસ્તાન પાસેથી સન્માન છીનવી લેવામાં આવ્યું છે.
પાકિસ્તાનની ટીમના ખેલાડીએ માત્ર 55 સેેકન્ડમાં હરીફને હરાવ્યો હતો
પાકિસ્તાન ટીમનો મેડલ વિજેતા કુસ્તીબાજ ડોપ ટેસ્ટમાં ફેલ થયો છે, જેનાથી કુસ્તીબાજનો બ્રોન્જ મેડલ છીનવી લેવામાં આવ્યો છે. અલી અસદ નામના કુસ્તીબાજે મૂળ ભારતીય એવા ન્યુઝીલેન્ડના કુસ્તીબાજ સૂરજ સિંહને માત્ર 55 સેકન્ડમાં હરાવીને પાકિસ્તાનના ખાતામાં બ્રોન્ઝ મેડલ નાખ્યો હતો. ત્યારબાદથી દરેકક જગ્યાએ તેના દાવના વખાણ થતા હતા. પરંતુ હવે ખુલાસો થયો છે કે પાકિસ્તાની કુસ્તીબાજે તેના પ્રદર્શનને વધારવા માટે પ્રતિબંધિત ડ્રગ્સનો ઉપયોગ કર્યો હતો.
કોમનવેલ્થ ગેમ્સ માટે પાકિસ્તાનથી રવાના થતા પહેલા પણ તેનો ડ્રગ્સ ટેસ્ટ કરવામાં આવ્યો હતો, જે હવે પોઝીટીવ આવ્યો છે. ત્યારબાદ મેડલ લઇ લીધા બાદ તેની રકમને પણ અટકાવી દેવામાં આવી હતી. હાલમાં પીએમ હાઉસમાં આયોજીત એક સમારોહમાં બધા વિજેતાઓને રોકડ ઈનામ આપવામાં આવ્યું હતુ, પરંતુ અલીની રકમને પાકિસ્તાન સ્પોર્ટસ બોર્ડે અટકાવી દીધી છે.