અટારી-વાઘા બોર્ડરનો વિડીયો વાયરલ થયો છે. બિટિંગ રિટ્રીટ દરમિયાન પાકિસ્તાનના સૈનિકનો વિડીયો વાયરલ થયો છે. બિટિંગ રિટ્રીટ સમયે પાકિસ્તાનના સૈનિકનો પગ લપસ્યો હતો. સૈનિકે પરેડ દરમિયાન પગ લપસી જવાને સંતુલન ગુમાવ્યું હતું. આક્રમકતાથી ચાલવા જતા પાકિસ્તાન સૈનિકે સંતુલન ગુમાવ્યું જેને લઈને તેનો ફજેતો થયો હતો અને સૈનિકના માથા પરથી પાઘડી પણ નીચે પડી હતી.
વીડિયો થયો વાયરલ
આ ઘટના સાથે જોડાયેલો વીડિયો સોશિયલ મીડિયા પર ઝડપથી વાયરલ થઈ રહ્યો છે. જો કે, વીડિયોમાં જોવા મળતી ઘટના ક્યારે બની તે વિશે કોઈ માહિતી નથી, પરંતુ સોશિયલ મીડિયા પર લોકો પાકિસ્તાની સૈનિકના આ વીડિયોની મજા માણી રહ્યા છે. પાકિસ્તાની સૈનિકનો આ વીડિયો વાયરલ થયા પછી તે પાકિસ્તાની ટીવી ચેનલો પર પણ બતાવાયો હતો.
બિટિંગ રિટ્રીટ જોવા આવે છે અનેક લોકો
ઉલ્લેખનીય છે કે, અટારી-વાઘા બોર્ડર પર દરરોજ થતા બિટિંગ રિટ્રીટ કાર્યક્રમને જોવા માટે બંને રાષ્ટ્રના લોકો મોટી સંખ્યામાં આવે છે. બંને સીમાઓ તરફથી લાઉડ સ્પીકર પર દેશભક્તિના વિવિધ ગીતો વાગે છે. લોકો પોતાના દેશના સમર્થનમાં નારા પણ લગાવતા હોય છે. લોકોના ભારે જોશ વચ્ચે ભારત અને પાકિસ્તાનના સૈનિક પોતપોતાના દેશના ધ્વજ ઉતારવામાં આવે છે.