શાહરૂખ ખાન, દીપિકા પાદુકોણ અને જોન અબ્રાહમની પઠાણ સતત વિવાદોમાં ઘેરાયેલી છે. વિવાદોનુ કારણ બન્યું છે ફિલ્મનુ ગીત બેશરમ રંગ. જેને લઇને એક વિવાદ સમાપ્ત થયો છે તો બીજો શરૂ થયો છે. હવે ગીત સાથે એક નવો વિવાદ જોડાવા લાગ્યો છે.
ફિલ્મ પઠાણનુ ગીત 'બેશરમ રંગ' વિવાદોમાં ઘેરાયુ
હવે આ ગીત સાથે એક નવો વિવાદ જોડાયો
પાકિસ્તાની સિંગરે પઠાણના ગીતને લઇને કટાક્ષ કર્યો
CBFCએ ગીતમાં ફેરફાર કરવાની સલાહ આપી હતી
ફિલ્મ પઠાણના ગીત બેશરમ રંગને લઇને છેડાયેલો વિવાદ સમાપ્ત થવાનુ નામ લેતો નથી. ક્યારેક કોઈ કારણોસર તો ક્યારેક કોઈ બીજા કારણોસર આ ગીત વિવાદોમાં ઘેરાયુ છે. ગીત અંગે શરૂ થયેલા વિવાદને સમાપ્ત કરવા માટે સીબીએફસીએ તેમાં ફેરફાર કરવાની સલાહ આપી હતી.
બેશરમ રંગને લઇને વધુ એક વિવાદ
હવે બેશરમ રંગને લઇને વધુ એક વિવાદ જોડાયો છે. હવે પાકિસ્તાની સિંગર સજ્જાદ અલીએ પઠાણના ગીતને લઇને કટાક્ષ કર્યો છે. સજ્જાદ અલીનો દાવો છે કે આ ગીત એક પાકિસ્તાની ગીતની કૉપી છે. સિંગરનુ કહેવુ છે કે 'બેશરમ રંગ' તેમના જૂના ગીત 'અબ કે હમ બિછડે' સાથે ઘણુ બંધબેસતુ આવે છે.
પાકિસ્તાની સિંગર સજ્જાદ અલીએ પઠાણના ગીતને લઇને કર્યો કટાક્ષ
જો કે, સજ્જાદ અલીએ પઠાણનુ, શાહરૂખ ખાનનુ અને બેશરમ રંગનુ નામ ના લીધુ. તેમણે ઈશારામાં નિર્માતા પર ચોરીનો આરોપ લગાવ્યો છે. તેમણે એક વીડિયો શેર કર્યો છે, જેમાં તેઓ કહે છે કે તેઓ એક અપકમિંગ ફિલ્મ બોલીવુડ ફિલ્મનુ ગીત સાંભળી રહ્યાં હતા, જેને સાંભળીને તેમને પોતાનુ ગીત યાદ આવી ગયુ. સિંગર કહે છે કે તેમણે આ ગીત વર્ષો પહેલા લખ્યું હતુ.
વીડિયો જોયા બાદ સજ્જાદના પ્રશંસકો અનુમાન લગાવી રહ્યાં છે કે સિંગરે નામ લીધા વગર પઠાણના ગીત બેશરમ રંગ તરફ ઈશારો કર્યો છે. ઘણા યુઝર્સે કોમેન્ટ કરીને સજ્જાદને આ અંગે જણાવવા કહ્યું છે.