કાશ્મીરથી આર્ટિકલ 370 ખતમ કરવાના ભારત સરકારાન નિર્ણયનો પાકિસ્તાનમાં વિરોધ થઇ રહ્યો છે. ઘણા પાકિસ્તાની કલાકારોએ એના વિરોધમાં સોશિયલ મીડિયા પર લખ્યું છે. હવે આ લિસ્ટમાં સિંગર આતિફ અસલમનું નામ પણ જોડાઇ ગયું છે. આતિફની આ પોસ્ટ બાદ ભારતીય ફેન્સ ખૂબ નારાજ થયા છે.
ભારત સરકારે કાશ્મીરથી વિવાદીત આર્ટિકલ 370 પૂરી રીતે હટાવી દીધું છે. ભારતમાં જ્યાં મોટાભાગે આ પગલાનું સ્વાગત કરી રહ્યા છે તો પાકિસ્તાનમાં આ પગલાનો વિરોધ કરવામાં આવી રહ્યો છે. થોડાક દિવસો અગાઉ ઘણા પાકિસ્તાની પર્સનલિટીઝે ભારતના આ નિર્ણયની ટીકા કરી છે.
હવે આ લિસ્ટમાં જાણીતો પાકિસ્તાની સિંગપ આતિફ અસલમનું નામ પણ જોડાઇ ગયું છે. આતિફે સોશિયલ મીડિયા પર એક પોસ્ટ લખી પરંતુ એમાં કાશ્મીરનો ઉલ્લેખ કરીને એને વિવાદીત બનાવી દીધી છે. ભારતીય પ્રશંસકો આતિફ અસલમની આ હરકત પર નારાજગી વ્યક્ત કરી રહ્યા છે.
આતિફે પોતાની પોસ્ટમાં લખ્યું, 'કંઇક મોટું તમારા લોકો સાથે શેર કરતાં ખુશઈ થઇ રહી છે. ઇન્શાઅલ્લાહ, હું જલ્દીજ મારી લાઇફની સૌથી મહત્વની સફર પર નિકળવાનો છું. હજ પર જતા પહેલા હું દરેકની માફી માંગવા ઇચ્છું છું, ભલે એ મારા ફેન્સ હોય, પરિવાર હોય કે દોસ્ત હોય. જો મે કોઇની ભાવનાને દુખ પહોંચાડ્યું હોય તો માફ કરી દો. દુઆઓમાં મને યાદ રાખજો.' આ સાથે જ હું કાશ્મીરીઓની સાથે જ થઇ રહેલી હિંસા અને ઉત્પીડનની પણ ટીકા કરું છું. અલ્લાહ કાશ્મીર અને સમગ્ર દુનિયાના માસૂમોની રક્ષા કરે.
આતિફની પોસ્ટમાં કાશ્મીરનો ઉલ્લેખ કરવા પર એને ભારતીય પ્રશંસકોની નારાજગીનો સામનો કરવો પડ્યો છે. જણાવી દઇએ કે આતિફ અસલમે ઘણા બોલીવુડ ફિલ્મોમાં પણ ગીત ગાયું છે અને ભારતમાં પણ એનું ફેન ફોલોઇંગ મોટું છે. પુલવામા પર થયેલા આતંકી હુમલા બાદ બોલીવુડમાં પાકિસ્તકાની કલાકરોને બેન કરી દીધા હતા. સુપરસ્ટાર સલમાન ખાને પણ પોતાની ફિલ્મ નોટબુકમાંથી પણ આતિફ અસલમના ગીતો હટાવી દીધા હતા.