પાકિસ્તાનમાં ચાલી રહેલી રાજકીય ઉથલ પાથલની વચ્ચે હાઈવોલ્ટેજ ડ્રામા જોવા મળ્યો હતો. અહીં પંજાબ વિધાનમાં મહિલા ધારાસભ્યોની વચ્ચે વિવાદ થઈ ગયો હતો.
પાકિસ્તાનના રાજકારણમાં ભારે ડખ્ખા
સંસદ બાદ વિધાનસભામાં પણ હોબાળા થયાં
મહિલાઓ ધારાસભ્યોએ કરી છૂટ્ટા હાથની મારામારી
પાકિસ્તાનમાં ચાલી રહેલી રાજકીય ઉથલ પાથલની વચ્ચે હાઈવોલ્ટેજ ડ્રામા જોવા મળ્યો હતો. અહીં પંજાબ વિધાનમાં મહિલા ધારાસભ્યોની વચ્ચે વિવાદ થઈ ગયો હતો. સત્તા પક્ષ અને વિપક્ષીઓ વચ્ચે વાદ વિવાદ એટલો વધી ગયો કે, બરાબરની બઘડાટી બોલાવી હતી. મહિલાઓએ એકબીજા પર ગડદાપાટૂ વરસાવ્યા હતા. સદનની અંદર અંદરોઅંદર લડી રહેલી આ મહિલા નેતાઓનો ઝઘડો કેમેરામાં કેદ થઈ ગયો હતો.
Scenes from the Pakistani Punjab's Assembly as opposition and government lawmakers fight it out with bare hands. The provincial assembly was to vote today to elect the new leader of the house. pic.twitter.com/oVdHBvYLxN
આ ઘટનાનો એક વીડિયો હવે સોશિયલ મીડિયા પર વાયરલ થઈ રહ્યો છે. મહિલાઓએ આ લડાઈ કઈ વાતને લઈને કરી હતી, તેની જાણ હજૂ સુધી થઈ નથી. જો કે, એ સ્પષ્ટ છે કે, આ ઘટના પાછળ ઈમરાન સરકારની વિપક્ષ સાથે ચાલી રહેલા ડખ્ખો છે. જાણવા મળ્યું છે કે, કેટલીય પાર્ટીઓના નેતા સદનની અંદર હતા. જેમાં પુરુષ અને મહિલા બંને વચ્ચે ઝઘડો થયો હતો. આ દરમિયાન કોઈ વાતને લઈને તૂ-તૂ, મેં-મેં થઈ ગઈ હતી, જેને લઈને હોબાળો મચ્યો હતો. મહિલાઓ એટલી બધી ગુસ્સે થઈ ગઈ કે, વાળ ખેંચવા લાગી, લાતો મારવા લાગી હતી.
આ વીડિયોમાં ધારાસભ્યોને ઝઘડો જોઈ શકાય છે. આ ઝઘડાના કારણે સદન પ્રભાવિત થયું અને બેઠક રોકવી પડી હતી. તો વળી મહિલાઓના આ પ્રકારના ઝઘડાને જોઈને કેટલાય પુરુષ ધારાસભ્યો પણ બચાવ માટે વચ્ચે પડ્યા હતા.