બેઠક / ઇમરાનનો દાવો 'ટ્રમ્પે પાકિસ્તાનને અમેરિકા અને ઈરાન વચ્ચે મધ્યસ્થતા કરવા કહ્યું, USએ આપ્યો જવાબ

• સંયુક્ત રાષ્ટ્રની સામાન્ય સભા દરમિયાન ડોનાલ્ડ ટ્રમ્પ અને હસન રુહાની સામસામે આવે તેવી સંભાવના 
• ફ્રાન્સના રાષ્ટ્રપતિ મેક્રોન પણ અમેરિકા અને ઈરાન વચ્ચે મધ્યસ્થતા કરવા ઉત્સુક છે 
• ડોનાલ્ડ ટ્રમ્પે કહ્યું કે અમારા સંબંધ ખુબ જ સારા છે

સંયુક્ત રાષ્ટ્રની સામાન્ય સભામાં ભાગ લેવા માટે દુનિયાભરના નેતાઓ ન્યૂયોર્ક પહોંચી રહ્યા છે ત્યારે તેઓએ અમેરિકાના રાષ્ટ્રપતિ અને ઈરાનના વડા સાથે મુલાકાત કરી હતી. આ પહેલાં જ્યારે ઈમરાન સાઉદી અરેબિયા ગયા હતા ત્યારે પણ કહ્યું હતું કે સાઉદી અરેબિયાના પ્રિન્સે તેમને મધ્યસ્થતા માટે કહ્યું છે. 

ન્યૂયોર્કના પત્રકારોને સંબોધિત કરતા ઇમરાન ખાને કહ્યું કે ટ્રમ્પે મને કહ્યું છે કે 'આપણે કોઈ નવી ડીલ કરીને ઈરાન સાથે જે તણાવ છે તેને ઓછો કરી શકીએ' અને ત્યારબાદ તાત્કાલિક મેં ઈરાનના રાષ્ટ્રપતિ રુહાની સાથે બેઠક કરી છે અને અમે અમેરિકા અને ઈરાનના સંબંધ સુધારવા પ્રયત્નો કરી રહ્યા છે.

અમેરિકાના રાષ્ટ્રપતિ ડોનાલ્ડ ટ્રમ્પ અને ઈરાનના રાષ્ટ્રપતિ હસન રુહાની મુલાકાત કરે તેવી સંભાવના છે અને તેના માટે ફ્રાન્સના વડા મેક્રોન ઐતિહાસિક બેઠક કરાવવા માટે થનગની રહ્યા છે.

મેક્રોનનું કહેવું છે કે દુનિયાના ઘણા નેતાઓ તેના માટે પ્રયત્નો કરી રહ્યા છે પકિસ્તાનના વડાપ્રધાન પણ તેના માટે વાટાઘાટો કરી રહ્યા છે. જો અમે એક ટેબલ પર આવી શકીએ તો એ દુનિયાને ગમશે.

જોકે રાષ્ટ્રપતિ ટ્રમ્પે કહ્યું કે 'મેં એમને નથી કહ્યું વડાપ્રધાન ઇમરાન ખાને સામેથી મને દરખાસ્ત કરી. અહિંયા દુનિયાના બધા નેતાઓ છે અમે છેલ્લા દિવસોમાં ઘણી દ્વિપક્ષીય વાર્તાઓ કરી છે અને જો ઈરાન સાથે પણ વાત થાય તો સમગ્ર વિશ્વ માટે સારું રહેશે.