ભારતના પૂર્વ કેપ્ટન મહેન્દ્ર સિંહ ધોની પોતાના ધારદાર અંદાજથી તેમના કટ્ટરમાં કટ્ટર ટીકાકારને પોતાનો સમર્થક બનાવી નાખે છે અને આ વખતે તેમણે પાકિસ્તાનના ફાસ્ટ બોલર હૈરિસ રઉફનું દિલ જીતી લીધુ છે.
હૈરિસ રઉફને ચેન્નઈ સુપર કિંગ્સની જરસી ગિફ્ટમાં આપી
હૈરિસ રઉફે મહેન્દ્ર સિંહ ધોનીનો માન્યો આભાર
એમએસ ધોનીએ રઉફને જરસી ગિફ્ટમાં આપી
થોડા દિવસો પહેલાં એમએસ ધોનીએ રઉફને એક એવી ભેટ આપી. જેને જોઈને હૈરિસ ઉત્સાહિત થયા હતા. હૈરિસ રઉફને ચેન્નઈ સુપર કિંગ્સની જરસી ગિફ્ટમાં આપી છે અને તેના માટે હૈરિસ રઉફે ટ્વિટર પર તસ્વીર પોસ્ટ કરી ધોનીનો આભાર માન્યો છે. રઉફે કહ્યું, દિગ્ગજ અને કેપ્ટન કૂલ એમએસ ધોનીએ પોતાની ટી-શર્ટના સ્વરૂપે સુંદર ગિફ્ટની સાથે મારું સન્માન કર્યુ છે. નંબર-7 હજી પણ પોતાની સારી વાતોથી લોકોનું દિલ જીતી રહ્યો છે. તમારા આ શાનદાર સહયોગ માટે ખૂબ ખૂબ આભાર.
The legend & capt cool @msdhoni has honored me with this beautiful gift his shirt. The "7" still winning hearts through his kind & goodwill gestures. @russcsk specially Thank you so much for kind support. pic.twitter.com/XYpSNKj2Ia
મહત્વનું છે કે, પાકિસ્તાનનો ઝડપી બોલર હૈરિસ રઉફ થોડા દિવસ પહેલા રમાયેલા ટી-20 વર્લ્ડ કપમાં પાકિસ્તાની ટીમનો ભાગ હતા અને તેમણે ટુર્નામેન્ટમાં સારું પ્રદર્શન કર્યુ હતુ. સુપર-12 રાઉન્ડમાં રઉફે ન્યુઝીલેન્ડ સામે રમાયેલી મેચમાં ચાર વિકેટ લીધી હતી. રઉફ અંતિમ વખત પાકિસ્તાન માટે બાંગ્લાદેશની સામે ટી-20 શ્રેણી રમ્યા હતા.