ઈન્ડિયન ટેનિસ સ્ટાર સાનિયા મિર્ઝા અને પાકિસ્તાની ક્રિકેટર શોએબ મલિકના ડિવોર્સ થઈ શકે છે. પાકિસ્તાની મીડિયામાં એવો દાવો કરવામાં આવી રહ્યો છે કે બન્ને એક બીજા સાથે નથી રહેતા.
સાનિયા અને શોએબના થઈ શકે છે ડિવોર્સ
બન્ને એક બીજાથી રહે છે અલગ
પાકિસ્તાની મીડિયાનો દાવો
ઈન્ડિયન ટેનિસ સ્ટાર સાનિયા મિર્ઝા અને પાકિસ્તાની ક્રિકેટર શોએબ મલિકના ડિવોર્સ થઈ શકે છે. આ દાવો પાકિસ્તાની મીડિયા કરી રહ્યું છે. રિપોર્ટ્સ અનુસાર શોએબે સાનિયાને દગો આપ્યો છે અને હાલ બંન્ને અલગ અલગ રહી રહ્યા છે.
હૈદરાબાદમાં 12 એપ્રિલ 2010એ સાનિયા અને શોએબના લગ્ન થયા હતા. 15 એપ્રિલે રિસેપ્શન લાહોરમાં કરવામાં આવ્યું હતું. બન્નેનો એક પુત્ર પણ છે જેનું નામ ઈઝહાન છે. જેનો જન્મ 2018માં થયો હતો.
12 વર્ષ બાદ થઈ શકે છે ડિવોર્સ
હવે 12 વર્ષ બાદ શોએબ-સાનિયાના ડિવોર્સ થવાની શક્યતાઓ સામે આવી રહી છે. તેને સાનિયાની સોશિયલ મીડિયા પોસ્ટથી વધારે હવા મળી રહી છે. સાનિયાએ લેટેસ્ટ પોસ્ટમાં લખ્યું છે-ટૂટે દિલ કહાં જાતે હૈ?
સાનિયા મિર્ઝાએ ઈન્સ્ટાગ્રામ પર લેટેસ્ટ સ્ટોરી નાખી છે. તેમાં સાનિયાએ પોતાને સવાર કર્યો છે અને પોતે જ જવા આપ્યો છે. સાનિયાએ લખ્યું- Where do broken hearts go. To find Allah! સાનિયા અને શોએબના ડિવાર્સની ખબરો વચ્ચે આવી પોસ્ટ દર્શાવે છે કે સાનિયાનું દિલ તૂટેલું છે. તે દુખી છે.
શોએબે લખ્યું- આપણે ભલે સાથે ન રહીએ...
30 ઓક્ટોબરે દિકરા ઈઝહાનના જન્મ દિવસ પર સાનિયા અને શોએબ સાથે જોવા મળ્યા હતા. શોએબે ફોટો પોસ્ટ કર્યો હતો પરંતુ તેણે જે લખ્યું હતું તેનાથી લોકોના મનમાં સવાલ ઉઠવા લાગ્યા. શોએબે લખ્યું, "જ્યારે તારો જન્મ થયો તો અમારા જીવનના અર્થ અલગ થઈ ગયો. અમે ભલે સાથે ન રહી શકીએ દરરોજ મળી ન શકીએ પરંતુ બાબા તારી અને તારી સ્માઈલ વિશે દરેક ક્ષણ માટે વિચારતા રહે છે. બાબા અને મમ્મી તને પ્રેમ કરે છે."
પાકિસ્તાની મીડિયાએ જણાવ્યું કારણ-શોએબે સાનિયાને આપ્યો દગો
પોતાના સંબંધને લઈને અત્યાર સુધી સાનિયા અને શોએબ ખુલીને કંઈ નથી લખી રહ્યા. બન્નેની સોશિયલ મીડિયા પોસ્ટ પરથી જ લોકો અટકળો લગાવી રહ્યા છે. પાકિસ્તાની મીડિયાનું કહેવું છે કે બન્ને અલગ અલગ રહી રહ્યા છે. પ્રયત્ન કરી રહ્યા છે કે દિકરાનો ઉછેર મળીને કરી શકે.
રિપોર્ટ્સમાં એટલું કહેવામાં આવ્યું છે કે શોએબે પોતાના એક ટીવી શો વખતે સાનિયાને દગો આપ્યો હતો. જોકે તેને વિશે વધારે કંઈ નથી લખવામાં આવ્યું. શોએબ કોઈ બીજા સાથે રિલેશનમાં છે તેના વિશે પણ વધારે કઈ કહેવામાં આવ્યું નથી. બસ એટલું કહેવામાં આવ્યું છે કે બન્નેએ ડિવોર્સની તૈયારીઓ શરૂ કરી દીધી છે.