પાકિસ્તાનના નાગરિક ઉડ્ડયન સત્તામંડળના એક કર્મચારીએ સરકાર દ્વારા એક વાર ફરી ઈંધણના ભાવ વધાર્યા બાદ આવવા જવા માટે ગધેડા ગાડીનો ઉપયોગ કરવા માટે શુક્રવારે મંજૂરી માગી છે.
પાકિસ્તાનમાં મોંઘવારીએ માઝા મુકી
પેટ્રોલ અને ડીઝલના ભાવો આસમાને પહોંચ્યો
એક કર્મચારીએ વિચિત્ર ડિમાન્ડ મુકી હતી
પાકિસ્તાનના નાગરિક ઉડ્ડયન સત્તામંડળના એક કર્મચારીએ સરકાર દ્વારા એક વાર ફરી ઈંધણના ભાવ વધાર્યા બાદ આવવા જવા માટે ગધેડા ગાડીનો ઉપયોગ કરવા માટે શુક્રવારે મંજૂરી માગી છે. એક રિપોર્ટમાં જણાવ્યા અનુસાર નાગરિક ઉડ્ડયન સત્તામંડળના મહાનિર્દેશકને લખેલા એક પત્રમાં રાજા આસિફ ઈકબાલે કહ્યું કે, ફુગાવાએ ગરીબો અને મધ્યમ વર્ગની કમર તોડી નાખી છે.
ઈકબાલ 25 વર્ષથી સીએએમાં કામ કરી રહ્યો છે અને હવે ઈસ્લામાબાદ આંતરરાષ્ટ્રીય હવાઈ એરોપોર્ટ પર કામ કરી રહ્યો છે. પ્રાપ્ત વિગતો અનુસાર જોઈએ તો, સીએએ પાર્કિંગમાં એક ગધેડા ગાડી લઈ જવા માટે મંજૂરી માગી હતી.
આ કર્મચારીએ કહ્યું હતું કે, આ મોંઘવારીમાં સંગઠને પરિવહન સુવિધા બંધ કરી દીધી છે અને પેટ્રોલના વધતા ભાવોના કારણે ખાનગી પરિવહનનો ઉપયોગ કરવો અસંભવ થઈ ગયું છે. તેમણે કહ્યું કે, મહેરબાની કરીને મને ગધેડા ગાડી એરપોર્ટ સુધી લઈ આવવાની મંજૂરી આપો.
કંપનીએ કહી આ વાત
જો કે, સીએએના પ્રવક્તા સૈફુલ્લા ખાને કહ્યું કે, દરેક કર્મચારીને ઈંધણ ભથ્થા આપવામાં આવે છે. તેમણે કહ્યું કે, કર્મચારીઓને પિક એન્ડ ડ્રોપ સેવા આપવામા આવે છે. એરપોર્ટ પર કર્મચારીઓ માટે એક અલગથી મેટ્રોબસ સેવા પણ ચાલુ છે.
ખાને કહ્યું કે, મીડિયા સ્ટંટથી વધારે કશું નથી, સરકારે અંતિમ વધારે બાદ શુક્રવારે ઈંધણની કિંમતોમાં ફરી એક વાર વધારો ઝીકવામાં આવ્યો છે. પાકિસ્તાનમાં પેટ્રોલ હવે 209.86 રૂપિયા પ્રતિ લીટર અને ડીઝલ 204.15 રૂપિયા પ્રતિ લીટર પર છે.