પંજાબ / અટારી બોર્ડર નજીકથી ઝડપાયું પાકિસ્તાની ડ્રોન, સેનાએ હાથ ધર્યું સર્ચ ઓપરેશન

• અટારી બોર્ડર નજીકથી ઝડપાયું પાકિસ્તાની ડ્રોન
• સ્થાનિક પોલીસ અને BSF દ્વારા હાથ ધરાઇ તપાસ

BSF થયું દોડતું

આ ઉપરાંત બોર્ડર સિક્યુરિટી ફોર્સે પણ સર્ચ ઓપરેશનને ગતિશીલ બનાવ્યું છે. આપને જણાવી દઇએ કે, રાજ્યના તરણ-તરણના ચોહલા સાહિબ ગામ નજીક ચાર દિવસ પહેલા ધરપકડ કરવામાં આવેલ ખાલિસ્તાન જિંદાબાદ ફોર્સ (કેઝેડએફ) ના આતંકવાદીઓએ પૂછપરછ દરમિયાન અનેક ઘટસ્ફોટ કર્યા હતા. 

4 ડ્રોન છૂપાયા હોવાની મળી છે બાતમી

આ દરમિયાનમાં જાણવા મળ્યું હતું કે ઝબ્બાલ વિસ્તારમાં ચાર ડ્રોન છૂપાયા છે. આ ઇનપુટ પર, પંજાબ પોલીસની કાઉન્ટર ઇન્ટેલિજન્સ ટીમે શુક્રવારે સવારે આતંકીઓના ભાગીદાર આકાશદીપ સાથે અટારી વિસ્તારમાં સર્ચ ઓપરેશન હાથ ધર્યું હતું.

4 ડ્રોન શોધવા પોલીસ કરી રહી છે મથામણ

આ દરમિયાન માહવા ગામના ખેતરોમાંથી એક પાકિસ્તાની ડ્રોન મળી આવ્યું હતું. પોલીસે આ અંગેની તપાસ શરૂ કરી દીધી છે અને આ અંગેની માહિતી મળ્યા બાદ બીએસએફના ઉચ્ચ અધિકારીઓએ પણ તાકીદની બેઠક બોલાવી છે અને સરહદી વિસ્તારોમાં સર્ચ ઓપરેશનને સઘન બનાવ્યું છે. આ તરફ પોલીસ અને બીએસએફ સામે વધુ ચાર ડ્રોન શોધવા માટે તાત્કાલિક પડકારનો સામનો કરવો પડે છે.

BSF ના વડાએ સરહદી વિસ્તારોની લીધી મુલાકાત 

આ કડીમાં, બીએસએફના ડીજી વી.કે. જોહરીએ સરહદી વિસ્તારોની મુલાકાતે પહોંચ્યા છે. ગુરુવારે, તેમણે પઠાણકોટ અને ગુરદાસપુરના સહદહી વિસ્તારોની મુલાકાત લીધી હતી. તે જ સમયે, શુક્રવારે તરણ તારણ તરફ પણ ગયા હતા. આ સમયગાળા દરમિયાન, સરહદ પર સુરક્ષા વ્યવસ્થાઓની સમીક્ષા કરવામાં આવી હતી અને બીએસએફ અધિકારીઓને જરૂરી સૂચનાઓ આપવામાં આવી હતી.