સાંબા જિલ્લાના સરહદી વિસ્તારમાંથી પાકિસ્તાની ડ્રોને બે વખત ઘૂસણખોરી કરી હતી.
ભારતમાં શાંતિ ડહોળવાનો પ્રયાસ યથાવત
ITBP કેમ્પ પર ડ્રોન જોવા મળતા સેના એલર્ટ
તાત્કાલિક અસરથી હાથ ધર્યું સર્ચ ઓપરેશન
શનિવારે મોડી રાતે, ડ્રોન પ્રથમ ચલિયારીથી પ્રવેશ્યું અને હાઇવેની ઉત્તર બાજુએ સ્થિત આઇટીબીપી કેમ્પ પર ફર્યા બાદ પાકિસ્તાન પરત ફર્યું. આ પછી, જાટવાલમાં ડ્રોન બીજી વખત ઉડતું જોવા મળ્યું. સમગ્ર વિસ્તારમાં ભયનો માહોલ હતો. સેના સહિત અન્ય સુરક્ષા દળોએ વિસ્તારને ઘેરી લીધો અને સર્ચ ઓપરેશન શરૂ કર્યું.
મોડી રાતે ડ્રોન જોવા મળશે ટૅન્શન વધ્યું
મળતી માહિતી મુજબ, ડ્રોન આ વખતે ચલિયારીથી રાત્રે 8.15 વાગ્યાની આસપાસ દાખલ થયું. એવું કહેવામાં આવી રહ્યું છે કે બબ્બર ડ્રેઇનના રૂટથી 400 મીટર ઉપર ઉડતું ડ્રોન રેઇ ખાતે આઇટીબીપી કેમ્પ પર ફર્યું હતું. આ પછી સનુરા ચાલીયાડીથી લાલા ચક થઈને ગયો.
ડ્રોનના કારણે આસપાસના વિસ્તારમાં સતત ભયનો માહોલ
જ્યારે સુરક્ષા દળો આ વિસ્તારમાં ઘેરાબંધી કરી રહ્યા હતા, થોડા સમયમાં જ જટવાલમાં ડ્રોન પણ ઉડતું જોવા મળ્યું. સેના પણ ઘટના સ્થળે પહોંચી હતી. પાંચ કિલોમીટરના અંતરે બે અલગ અલગ જગ્યાએ ડ્રોનના કારણે વિસ્તારમાં ભયનો માહોલ હતો.
ગઈકાલે NIAએ પાડ્યા હતા દરોડા
NIAએની આ રેડ જમ્મુમાં વાયુ સેના સ્ટેશન પર થયેલા બે વિસ્ફોટના સંદર્ભમાં છે. ઉલ્લેખનીય છે કે તે દિવસે વિભિન્ને સ્થળો પર આઈઈડી મળ્યા હતા. NIAએ કાશ્મીરના શોપિયા, અનંતનાગ, બનિહાલ અને જમ્મુના સુંજવાં સહિત 14 સ્થળો પર રેડ પાડી છે.
એક આઈઈડીની સાથે 2 લોકોની ધરપકડ કરી
27 જૂને જમ્મુ કાશ્મીર પોલીસે જમ્મુના નરવાલ વિસ્તારમાં એક આઈઈડીની સાથે 2 લોકોની ધરપકડ કરી હતી. પોલીસે શોપિયા અને બનિવાલ નિવાસી નદીમ અયૂબ રાઠર અને તાલિબ ઉર રહેમાનની ધરપકડ કરી છે. તેમની ધરપકડ જમ્મુમાં વાયુ સેના સ્ટેશનના ઉચ્ચ સુરક્ષા ટેક્નોલોજીના ક્ષેત્રમાં બે વિસ્ફોટો બાદ થઈ હતી. જેને ડ્રોન દ્વારા અંજામ આપવામાં આવ્યો હતો.
2 દિવસ પહેલા જ જોવા મળ્યું હતું ડ્રોન
જમ્મૂ કાશ્મીરના સાંબા જિલ્લામાં 3 અલગ અલગ સ્થાનો પર સંદિગ્ધ પાકિસ્તાની ડ્રોન ફરતા દેખાયા. આ જાણકારી અધિકારીઓએ ગુરુવારે આપી. અધિકારીઓએ કહ્યું કે ડ્રોન ગુરુવારે રાતે લગભગ સાડા આઠ વાગે બારી-બ્રાહ્મણ, ચિલાદ્યા અને ગગવાલ વિસ્તારમાં એક જ સમયે જોવા મળ્યા હતા.
આ ડ્રોન એવા સમયે જોવા મળ્યા જ્યારે લગભગ એક અઠવાડિયા પહેલા પોલિસની પાસેની સીમાવર્તી કનચક વિસ્તારમાં 5 કિલોગ્રામ આઈઈડી સામગ્રી લઈ જવાઈ રહી હતી. આ પાકિસ્તાની ડ્રોનને પાડી દેવાયું હતું. અધિકારીઓએ કહ્યું કે સીમા સુરક્ષા બળના જવાનોએ પાકિસ્તાનની તરફ આવી રહેલા એક ડ્રોન પર ચિલાદ્યામાં કેટલીક ગોળીઓ ચલાવી હતી. અધિકારીઓએ કહ્યું કે અન્ય 2 ડ્રોન બારી બ્રાહ્મણા અને ગગવાલમાં જમ્મૂ પઠાનકોટ રાજમાર્ગ પર સંવેદનશીલ સુરક્ષા પ્રતિષ્ઠાનો પર ફરતા મળ્યા બાદ તરત ગાયબ થઈ ગયા હતા.
આ પહેલા પણ 23 જુલાઈએ જમ્મૂ કાશ્મીરમાં એક જ દિવસમાં ત્રણ ડ્રોન જોવા મળ્યા હતા અને સાથે પૂંછ સેક્ટરમાં PIA લખેલુ બલૂન જોવા મળ્યું જેની પર પાકિસ્તાનનો ફ્લેગ પણ હતો. પોલીસે ડ્રોનને તોડી પાડ્યું હતું. શુક્રવારે સાંજે જમ્મૂ ડિવિઝનમાં 2 ડ્રોન જોવા મળ્યા અને સાથે કાશ્મીરમાં 3 વાર ડ્રોન જોવા મળ્યા. સુરક્ષા બળોએ તેને પાડી દીધું હતું. જમ્મૂ કાશ્મીરમાં પોલીસે ડ્રોનને તોડી પાડ્યું ત્યારે તેમાં 5 કિલો IED લગાવેલો હતો. જમ્મૂ કાશ્મીર પોલીસે એક ડ્રોન પાડી દીધું છે. આ ડ્રોન અખનૂર વિસ્તારમાં જોવા મળ્યું હતું. તેને જોતાં જ જમ્મૂ કાશ્મીર પોલીસ એક્શનમાં આવી અને એકે 47થી નીકળેલી ગોળીએ ડ્રોનને જમીન પર લાવી દીધું હતું.