ભારતીય ફાસ્ટ બોલર દીપક ચાહરે હાલમાં લગ્ન કર્યા છે. દીપકે 1 જૂને આગ્રામાં ગર્લફ્રેન્ડ જયા ભારદ્વાજ સાથે લગ્ન કર્યા. લગ્ન બાદ તેમણે 3 જૂને દિલ્હીમાં એક રિસેપ્શન કર્યુ. જેમાં ભારતીય ટીમના અનેક ખેલાડીઓ સિવાય કેન્દ્રીય રમત ગમત પ્રધાન અનુરાગ ઠાકુર અને મનોજ તિવારી પણ ઉપસ્થિત રહ્યાં હતા.
ભારતીય ફાસ્ટ બોલર દીપક ચાહરે 1 જૂને કર્યા લગ્ન
રીસેપ્શન પાર્ટીમાં અનેક ખેલાડીઓ રહ્યાં ઉપસ્થિત
સો.મીડિયામાં રીસેપ્શનની એક તસ્વીર થઇ ખૂબ વાયરલ
શું છે વાયરલ તસ્વીરની વાસ્તવિકતા
આ ઉપરાંત અનેક મોટા ક્રિકેટર્સે પણ રીસેપ્શનમાં ચાર ચાંદ લગાવ્યાં છે. આ દરમ્યાન સોશિયલ મીડિયામાં રીસેપ્શનની એક તસ્વીર ખૂબ વાયરલ થઇ રહી છે. જેને ક્રિકેટ પ્રેમીઓ પાકિસ્તાની ક્રિકેટર જણાવી રહ્યાં છે. ક્રિકેટ પ્રેમીઓનુ કહેવુ છે કે આ ક્રિકેટર પાકિસ્તાનના ફાસ્ટ બોલર હસન અલી છે. દીપક ચાહરના વેડિંગ રીસેપ્શનની તસ્વીરોમાં ભારતીય ટીમના ઘણા ખેલાડીઓ જોવા મળી રહ્યાં છે. જેમાં ભુવનેશ્વર કુમાર, ઈશાન કિશન, રિષભ પંત, શાર્દૂલ ઠાકુર, સુરેશ રૈના, રોબિન ઉથપ્પા અને કર્ણ શર્મા પણ દેખાય છે. આ તસ્વીરમાં એક અજાણ્યો ખેલાડી પણ ભારતીય ખેલાડીઓની સાથે દેખાઈ રહ્યો છે, ક્રિકેટ પ્રેમીઓ પાકિસ્તાનના ફાસ્ટ બોલર હસન અલી ગણાવી રહ્યાં છે. આ અજાણ્યો ખેલાડી રિષભ પંતની સાથે દેખાઈ રહ્યો છે. સોશિયલ મીડિયામાં કેટલાંક પ્રશંસકો તેને ખલીલ અહેમદ પણ ગણાવી રહ્યાં છે. કારણકે ચહેરો ખલીલ જેવો દેખાય છે. આ સાથે હસન અલી જેવો પણ દેખાય છે.
કોણ છે આ અજાણ્યો શખ્સ
રિષભ પંતની બાજુમાં ઉભેલો અજાણ્યો શખ્સ મધુર ખત્રી છે, જે રાજસ્થાન માટે ક્રિકેટ રમે છે અને દીપક ચાહરના મિત્ર પણ છે. તસ્વીરમાં તે પંતની બાજુમાં ઉભો છે અને તેણે ગ્રીન કલરના કપડા પહેર્યા છે. તસ્વીરમાં તેની સાથે અર્શદીપ સિંહ, રવિ બિશ્નોઈ, દિશાંત યાગ્નિક (ફીલ્ડિંગ કોચ), શાર્દૂલ ઠાકુર, કરણ શર્મા, ઈશાન કિશન અને રિષભ પંત દેખાઈ રહ્યાં છે. આ પાર્ટીમાં સુરેશ રૈના, રૉબિન ઉથપ્પા, પીયુષ ચાવલા, ભુવનેશ્વર કુમાર અને કરણ શર્મા પણ પહોંચ્યા હતા.